நடிகர் சிவகார்த்திகேயன் மற்றும் பேஸன் ஸ்டூடியோ நிறுவனம் இணைந்து தயாரிக்கும் படம் தாய் கிழவி. 75 வயதுடைய மூதாட்டியாக நடித்துள்ளார் நடிகை ராதிகா.
அறிமுக இயக்குநர் சிவக்குமார் முருகேசன் இந்த படத்தை இயக்க, இளவரசு, சிங்கம்புலி உட்பட பலர் நடித்துள்ளனர் . வரும் பிப்ரவரி 26ஆம் தேதி இந்த படம் வெளியாகிறது.
ராதிகாவின் மேக்கப்பை பார்த்து பிரபலங்கள் பலர் பாராட்டியுள்ளனர். படத்தின் பிரிமீயர் ஷோவை பார்த்த கமல்ஹாசன், ராதிகாவின் நடிப்பை வெகுவாக பாராட்டியிருந்தார்.
இந்த நிலையில் ராதிகாவின் தாய் கிழவி பட போஸ்டரை ரீ கிரியேட் செய்து தமிழக பாஜக மற்றும் காங்கிரஸ் கட்சிகள் புதிய போஸ்டர் வெளியிட்டு மோதலில் ஈடுபட்டுள்ளது.
ராதிகா படத்தை நிர்மலா சீதாராமனை வைத்து எடிட் செய்து, இயக்கம் ஆர்எஸ்எஸ் என குறிப்பிட்டு, Lootus Productions, ஓடுங்க அது நம்மள நோக்கித்தான் வருகின்றனது என தமிழக காங்கிரஸ் தனது எக்ஸ் தளப்பக்கத்தில் போஸ்டர் வெளியிட்டுள்ளது.
இந்த போஸ்டரை பார்த்த தமிழக பாஜக நிர்வாகி எஸ்ஜி சூர்யா, தனது எக்ஸ் பக்கத்தில், சோனியா காந்தி படத்தை தாய் கிழவி போஸ்டர் போல ரீ கிரியேட் செய்து, காங்கிரஸ் செய்த ஊழல் பட்டியலை குறிப்பட்டு போஸ்டரை வெளியிட்டுள்ளார்.
மேலும் சோனியாக காந்தியை அசல் தாய் கிழவி என விமர்சித்து போஸ்டரை பதிவிட்டுள்ளது இணையத்தில் வைரலாகி வருகிறது. யார் OG என பலரும் இந்த போஸ்டர்களை பகிர்ந்து விமர்சித்து வருகின்றனர்.
