டிவி சீரியல்கள் என்றாலே இல்லத்தரசிகளுக்கு கொண்டாட்டம்தான். சன் டிவி, விஜய் டிவி, ஜீ தமிழ் என அனைத்து சேனல்களில் ஒளிபரப்பாகும் சீரியலை ரவுண்டு கட்டி பார்த்து விடுவர்.
தற்போது ஏராளமான சீரியல்கள் ஒளிபரப்பாகி வந்தாலும், ஒவ்வொரு சீரியலுக்கும் இல்லத்தரசிகள் தகுந்த மதிப்பு கொடுத்து வருவர். அப்படித்தான் ஜீ டிவியில் ஒளிபரப்பாகும் பாரிஜாதம் சீரியலுக்கு ரசிகர்கள் ஏராளம் உண்டு.
ராஜா ராணி மூலம் பாப்புலரான நடிகை ஆலியா மானசா, அதன் இரண்டாம் பாகத்திலும் நடித்தார். இடையில் பிரசவத்துக்காக பிரேக் எடுத்து சன் டிவியில் இனியா நாடகத்தில் நடித்தார். அந்த நாடகமும் சமீபத்தில் நிறைவுபெற்றது.
இதையடுத்து ஜீ தமிழ் தொலைக்காட்சியில் கால் பதித்த அவர், பாரிஜாதம் என்ற சீரியலில் நடித்து வந்தார். விறுவிறுப்பாக போய்க் கொண்டிருக்கும் தொடரில் இருந்து, ஆலியா மானசாவுக்கு ஜோடியான நடிகர் விலகியுள்ளார்.
முக்கிய ஹீரோவாக நடித்து வரும் ரஷித் வெளியேறியுள்ளார். காரணத்தை சொல்லாத அவர், சீரியல் குழுவுக்கு நன்றி என தனது இன்ஸ்டாகிராம் பக்கத்தில் பதிவிட்டுள்ளார்.
