கரும்புள்ளிகள் சட்டுனு மறையனுமா.. அசத்தல் டிப்ஸ் இதோ..!

சருமத்தில் இருக்கும் கரும்புள்ளிகள் விரைவில் நிரந்தரமாக மறைய சில வீட்டு வைத்தியங்கள் குறித்து இந்த பதிவில் பார்க்கலாம்.

சருமத்தில் ஏற்படும் முகப்பருக்கள் ஹார்மோன் மாற்றங்களால் ஏற்பட்டாலும் கரும்புள்ளிகள் ஏற்படுவதற்கு சுற்றுச்சூழல் காரணிகளே காரணமாக உள்ளன. என்னதான் பலவித கிரீம்களை தடவினாலும், சரிவிகித ஊட்டச்சத்து நிறைந்த உணவுகளை அதிகம் எடுத்துக் கொண்டால் கரும்புள்ளிகள் வருவதை தவிர்க்கலாம்.

பொதுவாக முகத்தில் ஏற்படும் சிறிய குறைபாடுகள் கூட முக அழகை கெடுத்துவிடும். அதுவும் கரும்புள்ளிகள், பருக்கள் இருந்தால் அவ்வளவுதான். இது சிலரது தன்னம்பிக்கையை குறைத்து விடும். கரும்புள்ளிகள் தோன்றுவதற்கு பல காரணங்கள் இருந்தாலும் அவற்றை நிரந்தரமாக நீக்க சில சரும குறிப்புகள் இருக்கின்றன.

கரும்புள்ளிகளை நீக்குவதற்கு பல இயற்கை வழிகள் உள்ளன அவற்றுள் சில..

எலுமிச்சை

இது கரும்புள்ளிகள் குறைக்க உதவும் ஒரு இயற்கையான பிளீச்சிங் பொருளாகும். எலுமிச்சைச் சாறை நன்றாக பிளந்து பாதிக்கப்பட்ட இடத்தில் நேரடியாக தடவாமல், அதனுடன் கடலைமாவை கலக்கி 15 நிமிடங்கள் கழித்து வெதுவெதுப்பான நீரில் கழிவினால் கரும்புள்ளிகள் கொஞ்சம் கொஞ்சமாக நீங்கும். இது சருமத்தை ஈரப்பதமாக்கி சூரிய ஒளியை தவிர்க்க உதவுகிறது.

கற்றாழை

கற்றாழை சிலருக்கு ஒவ்வாமையை ஏற்படுத்தும். அதாவது, கற்றாழையில் உள்ள மஞ்சள் நிற ஜெல்லானது முகத்திற்கு நேரடியாக பயன்படுத்தும் போது அலர்ஜியை ஏற்படுத்தும். அதற்காக, கற்றாழையை நான்கு முறை நன்றாக நீரில் கழுவி அதற்குப்பின் முகத்தில் தேய்ப்பது சிறந்ததாகும். மேலும், கரும்புள்ளிகளை நீக்க கற்றாழை ஜெல்லை 20 நிமிடங்கள் சருமத்தில் தடவி பாதிக்கப்பட்ட பகுதிகளில் தடவி 20 நிமிடங்கள் கழித்து கழுவினால் சருமம் மென்மையாகி காலப்போக்கில் கரும்புள்ளிகளும் மறையும்.

மஞ்சள்

இது சருமத்தை பிரகாசமாகும் பண்புகளுக்கு பிரபலமானது. இதன் காரணமாகவே அந்த கால பெண்கள் மஞ்சளை முகத்தில் பூசி கொள்வார்கள். சிறிதளவு மஞ்சள் தூளை பால் அல்லது தண்ணீர் பயன்படுத்தி பேஸ்ட் போல் உருவாக்கிக் கொள்ளுங்கள். இந்த பேஸ்ட்டை கரும்புள்ளிகள் உள்ள இடத்தில் தடவி 20 நிமிடம் கழித்து கழுவும் இது தற்காலிகமாக முகத்தில் மஞ்சள் கரை ஏற்படுத்தினாலும், கரும்புள்ளிகள் மறைய பெரிதளவும் உதவியாக இருக்கும்.

குறிப்பு: இந்த கட்டுரையில் சொல்லப்பட்டவை தகவல் நோக்கங்களுக்காகவே. இதன் உண்மைத் தன்மை, துல்லியம் மற்றும் செயல்திறன் ஆகியவற்றுக்கு UTV Prime பொறுப்பாகாது.