நடிகர் விஜய் ஆண்டனி தயாரித்தது, இசையமைத்து கடத்த வாரம் வெளிவந்த திரைப்படம் ‘பூக்கி’ இப்படத்தில், அஜய் ஹீரோவாக நடித்திருந்தார். இவர் விஜய் ஆண்டனி நடிப்பில் வெளிவந்த மார்கன் படத்தில் முக்கிய கதாபாத்திரத்தில் நடித்தவர். மேலும், கனா காணும் காலங்கள் என்ற வெற்றி தொடரின் மூலம் பிரபலமான நடிகை தனுஷா இப்படத்தில் கதாநாயகியாக அறிமுகமாகியுள்ளார். இன்றைய காலகட்டத்தில் உள்ள காதலை மையப்படுத்தி எடுக்கப்பட்ட இப்படத்திற்கு கலவையான விமர்சனங்கள் கிடைத்துள்ளது.
இந்நிலையில், இளசுகளுக்கு ஏற்ற வகைகள் அவர்களின் காதல் கதையை சொல்லும் படமாக ‘பூக்கி’ உருவாக்கப்பட்டுள்ளது. இப்படி இருக்கையில், படத்தை ரசிகர்கள் மத்தியில் மேலும் கொண்டு செல்லும் வகையில் தயாரிப்பாளரும், இசை அமைப்பாளருமான விஜய் ஆண்டனி தனது எக்ஸ் பக்கத்தில் பதிவிட்டு இருந்த ஒரு பதிவு ரசிகர்கள் பலரது கவனத்தை ஈர்த்துள்ளது.
அதாவது, அதில் ‘வணக்கம்… நல்ல சினிமா விரும்பிகளை மற்றும் காதலன், காதலிகளை நான் ‘பூக்கி’ என்ற ஒரு நல்ல படத்தை ப்ரொடியூஸ் பண்ணி 2 டேஸ்க்கு முன்னால ரிலீஸ் பண்ணி இருக்கேன். ‘பூக்கி’ ஒரு சூப்பர் படம். பார்த்தை பத்தவங்க கிட்ட கேளுங்க, மிஸ் பண்ணாம பாருங்க.. அப்புறம் ஒரு நல்ல படத்தை தியேட்டர்ல மிஸ் பண்ணிட்டோம்னு ஃபீல் பண்ணாதீங்க.. நன்றி’ என பதிவிட்டு இருந்தார்.
இவரது இந்த பதிவுக்கு ஜமுனா என்ற ரசிகை ஒருவர் தனது பதிவுக்கு ரிப்ளை செய்தால் நான் மூன்று பேரை படத்திற்கு அழைத்து செல்கிறேன் என்று பதிவிட்டிருந்தார். உடனே விஜய் ஆண்டனி ஹாய் ஜமுனா, நான்கு டிக்கெட்டா எடுக்க முடியுமா நானும் உங்களுடன் படம் பார்க்க வருகிறேன் என்று பதிவிட்டுள்ளார். இவரது, இந்த போஸ்ட் தற்போது ரசிகர்கள் மத்தியில் கவனம் பெற்று வருகிறது.
Hi ஜமுனா😊
— vijayantony (@vijayantony) February 16, 2026
ஒரு நாலு ticket-ஆ கிடைக்குமா, நானும் வரேன் ❤️#pookie https://t.co/XFoeHXkoDe
