காதலர் தினமான இன்று உலகம் முழுவதும் வெகு விமர்சையாக கொண்டாடப்பட்டு வருகிறது. பிரபலங்களும் மாறி மாறி காதலர் தின வாழ்த்துக்களை தெரிவித்து வருகின்றனர். இப்படி இருக்கையில், இயக்குனர் விக்னேஷ் சிவன் மனைவி நயன்தாராவுக்கு உயிர், உலக் உடன் எடுத்துக்கொண்ட புகைப்படத்தை பகிர்ந்து காதலர் தின வாழ்த்து தெரிவித்துள்ளார்.
அதில், வாழ்க்கையின் ஒவ்வொரு நொடியும் காதலால் நிரப்பும் ஒரு நபர் உங்களுக்கு கிடைத்துவிட்டால் அதைவிட பெரிய செல்வம் வேறொன்றுமில்லை. மேலும், பிரபஞ்சத்தின் பேரன்பால் முத்தமிடப்பட்டவர் அன்பை எதைக்காட்டிலும் மேலாக கருதும் அனைத்து நல் இதயங்களுக்கும் எனது காதலர் தின வாழ்த்துக்கள் என்று பதிவிட்டு இருந்தார்.
இவரது இந்த கவித்துவமான காதலர் தின வாழ்த்தை பார்த்த பலரும் அடப்போங்கப்பா நாங்களே இங்க சிங்கிளா இருக்கோம். இதுல நீங்க வேற எங்களை கடுப்பாக்கிக்கிட்டு இருக்கீங்க என்பது போல கருத்துக்களை தெரிவித்து வருகின்றனர்.
முன்னதாக விக்னேஷ் சிவன் நயன்தாராவுடன் அடிக்கடி எடுத்துக் கொள்ளும் ரொமான்டிக் புகைப்படங்களை சமூக வலைதளங்களில் பகிர்ந்து வருவது குறிப்பிடத்தக்கது.
