பிக்பாஸ் சீசன் 9 சமீபத்தில் நடந்து முடிந்தது. இதில் திவ்யா டைட்டில் வின்னராக தேர்வு செய்யப்பட்டார். கடைசி வரை போட்டியில் இருந்து ரன்னரானவர் சபரி.
பிஸ் பாஸ் சீசனில் மிக மோசமான சீசன் இதுதான் என பரவலாக பேசப்பட்டது. இருப்பினும் பார்வதி ஒற்றையாளாக நிகழ்ச்சியை தூக்கி நிறுத்தினார். ஆரம்பத்தில் பார்வதி, கம்ருதீன் முட்டி மோதிக் கொண்டாலும், இருவரும் இணைந்து சக போட்டியாளர்களை வம்பிழுத்து டிஆர்பி ரேட்டை அதிகப்படுத்தினர்.
மேலும் கம்ருதீன், பார்வதி காதலித்தது போல கண்டென்ட கொடுத்தனர். போதாக்குறைக்கு நள்ளிரவில் இருவரும் தனியாக பாத்ரூமில் இருந்த வீடியோவெல்லாம் 24X7ல் பார்த்து பலரும் முகம் சுழித்தது உண்டு.
அதிக கண்டென்ட் கொடுத்து வந்த விஜே பார்வதி, கம்ருதீன் இருவரும், ஒழுங்கீனமாக நடந்து கொண்டதால் போட்டியில் இருந்து வெளியேற்றப்பட்டனர். இதனால் கடைசி 10 நாட்கள் பிக் பாஸ் நிகழ்ச்சி, பார்வையாளர்களை பெரியதாக ஈர்க்கவில்லை.
#VJPaaru and #Kamrudin moving on in the ad industry with their endorsement skills 👏🏼
— Annatar (@VecnaThings) February 13, 2026
There is no stopping the forces that are meant to break free 🔥#VJParvathy #Paaru #VJParvathi#BiggBoss9Tamil #BiggBossTamil9#BiggBossTamil pic.twitter.com/8hvwRew3ip
வெளியே வந்த கம்ருதீன், தான் செய்த தவறுக்கு மன்னிப்பு கேட்டு வீடியோ வெளியிட்டிருந்தார். ஆனால் விஜே பார்வதி, தான் செய்த தவறை ஒப்புக்கொள்ளாமல், நான் தான் உண்மையான வின்னர் என தனக்கு தானே புகழ் பாடிக் கொண்டார்.
இருவரும் வெளியே வந்த பின்னர் பெற்றோர்களுடன் பேசலாம் என கூறியிருந்த நிலையில், தற்போது இருவரும் ஒரு விளம்பரப்படத்தில் நடிக்க கமிட் ஆகியுள்ளனர். இது தொடர்பான வீடியோக்கள், புகைப்படங்கள் வைரலாகி வருகிறது.
