இன்று பிறந்த நாள் கொண்டாடும் நடிகர் கனல் கண்ணனுக்கு UTV Prime சார்பாக பிறந்தநாள் வாழ்த்துக்களை தெரிவித்துக் கொள்கிறோம். இவரின் சிறப்பு தொகுப்பை இப்பதிவில் காணலாம்.
கனல் கண்ணன் 12 பிப்ரவரி 1962 -ல் நாகர்கோவில் பிறந்தார். இவரது இயற்பெயர் வி. கண்ணன் என்பது ஆகும். இந்தியத் திரைப்படத்துறையில் சண்டை ஒருங்கிணைப்பாளராகவும், சண்டை பயிற்சியாளராகவும் அறியப்படுபவர்.
இவர் நடிகராகவும், திரைக்கதை எழுத்தாளராகவும் உள்ளார். இந்தியத் திரைப்படத்துறையில் தமிழ், மலையாளம், தெலுங்கு, இந்தி, கன்னடம் ஆகிய மொழிகளில் பணியாற்றியுள்ளார். பீட்டர் ஹீன் மற்றும் சன்ட் சிவா, அனல் அரசு ஆகியோர் கனல் கண்ணனின் மாணவர்களாவார்.
கிட்டத்தட்ட 200-க்கும் மேற்பட்ட பல்வேறு மொழி திரைப்படங்களில் இவர் நடித்துள்ளார். சண்டை பயிற்சியாளராக நாயகன் (2001), கஜினி (2005), அயன் (2009), தசாவதாரம் (2008), சண்டைக்கோழி (2005) போன்ற படங்களில் பணியாற்றியுள்ளார்.
சண்டைப்பயிற்சியாளர் கனல் கண்ணன் கடைசியாகப் பணியாற்றிய படங்களில் ரத்னம் (2024), காடுவெட்டி (2024), மற்றும் சரக்கு (2023) ஆகியவை முக்கியமானவை. அவர் தமிழ், தெலுங்கு மற்றும் மலையாள மொழிகளில் ஆக்சன் காட்சிகளை ஒருங்கிணைத்து தொடர்ந்து பணியாற்றி வருகிறார். 2023-ல் மார்க் ஆண்டனி, கண்ணூர் ஸ்குவாட் போன்ற வெற்றிப் படங்களிலும் சண்டைக் காட்சிகளை அமைத்துள்ளார்.
சென்னை மதுரவாயலில் இந்து முன்னணி சார்பில் இந்துக்கள் உரிமை மீட்பு பிரச்சார பயண நிறைவு பொதுக் கூட்டம் நடைபெற்றது. இதில், பேசிய இந்து முன்னணியின் மாநில கலை இலக்கியச் செயலாளர் கனல் கண்ணன், ஸ்ரீரங்கம் ரங்கநாதர் கோயிலில் தரிசனம் செய்துவிட்டு வெளியே வரும்போது எதிரே கடவுள் இல்லை என்று சொன்ன ஈ.வெ.ராவின் சிலை இருப்பதாகவும், அந்த சிலை என்று உடைக்கப்படுகிறதோ அன்று தான் இந்துக்களின் எழுச்சி நாள் என்றும் கூறியிருந்தார்.
முன்னதாக, சிறந்த சண்டைப்பயிற்சியாளருக்கான பிலிம்பேர் மற்றும் தமிழ்நாடு மாநில திரைப்பட விருதுகளைப் பெற்றுள்ளார். இவர் மிகுந்த ஆன்மீகவாதி மற்றும் சென்னையில் சொந்தமாக சுடலைமாட சுவாமி கோயில் கட்டி வழிபாடு நடத்தி வருகிறார்.
இந்நிலையில், இன்று பிறந்த நாள் கொண்டாடும் நடிகர் கனல் கண்ணனுக்கு UTV Prime சார்பாக ஆரோக்கியத்துடனும் மகிழ்ச்சியுடனும் அவர் பல்லாண்டு வாழ்ந்து தமிழ் சினிமா ரசிகர்களை மகிழ்வித்துக்கொண்டே இருக்க வேண்டும் என்று மனதார வாழ்த்துவோம்.
