நடிகை பூஜா ஹெக்டே அணிந்திருக்கும் வாட்ச்-ன் விலை சமூக வலைதளத்தில் வெளியாகி அனைவரையும் ஆச்சரியப்படுத்தி உள்ளது.
இந்திய சினிமாவில் முன்னணி நடிகையாக வலம் வருபவர் பூஜா ஹெக்டே. தொடக்கத்தில் பல கசப்பான அனுபவங்களை எதிர்கொண்ட இவர் பட வாய்ப்புகளை இழந்து விடுமோ என்ற பயத்தில் அவ்வப்போது மசாலா பாடலுக்கு நடனமாடி ரசிகர்களை தக்க வைத்துக் கொண்டார்.
முன்னதாக இவர், ஆடிய மோனிகா பாடல் பட்டி தொட்டி எங்கும் பிரபலமாகி கவனிக்கத்தக்க ஒரு நடிகையானார். தற்போது, இவர் நடிப்பில் அடுத்ததாக ஜனநாயகன் படம் விரைவில் வெளியாக உள்ளது. இந்த படத்திற்கு விரைவில் சென்சார் சான்றிதழ் கிடைத்துவிடும் என கூறப்படுகிறது. இதனால், ஜனநாயகன் படம் விரைவில் வெளியாக வாய்ப்புள்ளதாகவும் தகவல்களும் அப்போது கசிந்து வருகின்றன.
சமூக வலைதளங்களில் பிரபலங்களின் சொத்து மதிப்பு, சம்பள விபரம், அவர்களின் சொகுசு கார், அவர்கள் பயன்படுத்தும் ஹேண்ட் பேக், வாட்ச் போன்ற விஷயங்கள் குறித்து அவ்வப்போது தகவல்கள் வெளியாகும்.
அந்த வகையில், சமீபத்தில் தமன்னா சொந்தமாக நகைக்கடை ஒன்றை திறந்திருந்தார். இந்த திறப்பு விழாவிற்கு சமந்தா, காஜல் அகர்வால், பூஜா ஹெக்டே போன்ற முன்னணி நடிகைகள் மற்றும் நடிகர்கள் பலரும் கலந்து கொண்டனர். இதில் கலந்து கொண்ட பூஜா ஹெக்டே தனது கையில் அணிந்திருந்த வாட்ச்சின் விலை குறித்து தற்போது தகவல் வெளியாகியுள்ளது.
ரோலக்ஸ் டேட் ஜஸ்ட் 41 (Rolex Date just 41) என்கிற வாட்ச்சை தான் பூஜா ஹெக்டே அந்த விழாவில் அணிந்திருந்தார். இந்த வாட்சின் விலை 21.5 லட்சம் என கூறப்படுகிறது. இதனை பார்த்த ரசிகர்கள் அப்பப்பா.. இந்த காசுக்கு ஒரு சொந்த வீடு வாங்கிடலாம் என்று கருத்துக்களை தெரிவித்து வருகின்றனர்.
