சாம்சங் கேலக்ஸி S26 தொடரின் வெளியீட்டு தேதியை பிப்ரவரி 25 அன்று அறிவித்துள்ளது.
சாம்சங் நிறுவனத்தின் இவென்ட் நடக்கும் தேதி அதிகாரப்பூர்வமாக உறுதியான இந்த நேரத்தில் Galaxy Unpacked 2026 ல் சாம்சங் கேலக்ஸி S26 (Samsung Galaxy S26) மற்றும் சாம்சங் கேலக்ஸி S26+ ஸ்மார்ட்போன்களின் முழு பீச்சர்கள் மற்றும் விலை விவரங்கள் கசிந்துள்ளது சாம்சங் பிரியர்களிடையே எதிர்பார்ப்பை தூண்டி உள்ளது.
அமெரிக்காவின் சான் பிரான்சிஸ்கோவில் கேலக்ஸி அன்பேக்டு 2026 இவென்ட் பிப்ரவரி 25 ஆம் தேதி நடக்க இருப்பதை சாம்சங் நிறுவனம் உறுதி செய்துள்ளது. முன்னதாக, சாம்சங் இந்தியா ஸ்டோர் வழியாக ரூ.999 செலுத்தி ப்ரீ-ரிசர்வேஷன்களை செய்து கொள்ளலாம் என்றும், இந்த ப்ரீ-ரிசர்வேஷன் பிப்ரவரி 25ஆம் தேதி இரவு 11.30 மணிக்கு தொடங்க இருப்பதாக தகவல்கள் வெளியாகி உள்ளன.
முன்னதாக, சாம்சங் நிறுவனத்தின் எந்தெந்த மாடல்கள் வெளியாகும் என்பது இன்னும் உறுதி செய்யப்படவில்லை. இருப்பினும், சாம்சங் கேலக்ஸி S26, சாம்சங் கேலக்ஸி S26+ மற்றும் சாம்சங் கேலக்ஸி S26 அல்ட்ரா மாடல்கள் வியாபார சந்தையில் மொபைல் பிரியர்களிடையே பெரிதும் எதிர்பார்க்கப்படுகிறது.
இதற்கு ஏற்ப சாம்சங் கேலக்ஸி S26 மற்றும் சாம்சங் கேலக்ஸி S26+ ஸ்மார்ட்போன்களின் முழு பீச்சர்களும் மார்கெட்டில் கசிந்துள்ளன.
அதேபோல, விலையும் கசிந்துள்ளது. இதனால் சாம்சங் பிரியர்களிடையே எதிர்பார்ப்பு எகிறி இருக்கிறது. சாம்சங் கேலக்ஸி S26 ஸ்மார்ட்போனின் விலை ரூ.1,07,735 பட்ஜெட்டில் , சாம்சங் கேலக்ஸி S26+ ஸ்மார்ட்போன் ரூ.1,36,852 பட்ஜெட்டில் வெளியாகும் என்று எதிர்பார்க்கப்படுகிறது. இது யூரோ அடிப்படையில் கசிந்த விலைகளாக இருப்பதால், இந்தியாவில் மாறுபாடுகள் இருக்கும் என்றும், பிப்ரவரி 25ஆம் தேதியில் விலை மற்றும் பீச்சர்கள் தெரியவரும் என எதிர்பார்க்கப்படுகிறது.
