வீட்டில் சமையலுக்கு புலாவ், குருமா, சூப் போன்றவற்றில் பயன்படுத்தப்படும் பச்சை பட்டாணியை வைத்து ஃபேஸ் பேக் போடுவது எப்படி என இந்த பதிவில் தெரிந்து கொள்வோம்.
Table of Contents
நம்ம சருமத்துல என்னென்னமோ ட்ரை பண்ணி இருப்போம். ஆனால் எதுவுமே ஒர்க்அவுட் ஆகி இருக்காது. அந்த வகையில், விதவிதமான ஃபேஸ் பேக்கை தப்பு தப்பா போட்டு டல்லான உங்க சருமதை டூலாக்குறதுக்கான ஃபேஸ் பேக் தான் இது.
இந்த ஃபேஸ் பேக்கை போடலன்னா இதை ஒரு தடவை ட்ரை பண்ணி பாருங்க, பச்சை பட்டாணியை எப்படி எல்லாம் உங்க சருமத்தில் யூஸ் பண்ணலாம் அப்படின்னு இந்த பதிவுல நம்ம பார்க்க போறோம். குழந்தைகள் முதல் பெரியவர்கள் வரை எல்லாருக்குமே பச்சை பட்டாணி பிடிக்கும். ஆனால் உங்க சரும பராமரிப்புல நீங்க எதிர்பார்க்காத அளவுக்கு பச்சை பட்டாணி ஆச்சரியத்தையும் ஒரு மேஜிக்கை செய்யக்கூடியது.
நம்ம சருமத்துல கொலாஜின் உற்பத்தி அதிகரிக்க விதவிதமான கிரீம்கள், பவுடர்கள் மாத்திரையை கூட சாப்பிட்டு இருப்போம். ஆனால், பச்சை பட்டாணி நம் உடலில் உற்பத்திய அதிகரிக்க உதவி செய்வது மட்டும் இல்லாமல், இதில் இருக்கக்கூடிய வைட்டமின் சி மற்றும் ஆன்டி-ஆக்சிடென்ட்கள் ஃப்ரீ ரேடிக்கல்ஸ்களை எதிர்த்து சருமத்துல ஏற்படும் சேதத்தை தடுத்து செல்களையும் பாதுகாக்கிறது.
உங்களுடைய சருமத்தை எப்பவும் இளமையா வச்சுக்க பச்சை பட்டாணியில் இருக்கக்கூடிய வைட்டமின் ஏ, பி6, சி, போலேட், ஜிங்க் கதிர்வீச்சினால் ஏற்படும் பாதிப்புகளை தவிர்க்கிறது. பச்சை பட்டாணியில் இருக்கக்கூடிய ஊட்டச்சத்துக்கள் உடல் ஆரோக்கியத்துக்கு மட்டுமில்லாமல் சரும ஆரோக்கியத்திற்கும் அழகுக்கு உதவி புரிகிறது.
மஞ்சள் மற்றும் பச்சை பட்டாணி ஃபேஸ் பேக்
பொதுவா குளிர் காலத்துல இருக்கிற ஈரப்பதமான காற்றோட காரணமாக நம்ம சருமம் அதிகமான வறட்சி அடையும். அதனால் நேரடியா வெறும் பச்சை பட்டாணியை மட்டும் பயன்படுத்தினால் அதிகமான வறட்சி ஏற்பட வாய்ப்பு இருக்கு, அதனால் சருமத்துக்கு நீர்ச்சத்தை கொடுக்க கூடிய பொருட்களோடு சேர்த்து பச்சை பட்டாணிய தடவலாம். வேகவைத்த பட்டாணியுடன் மஞ்சளையும் சேர்த்து தடவும் போது பச்சை பட்டாணியில் இருக்கக்கூடிய வைட்டமின் சி ஆன்டிஆக்சிடென்ட் மஞ்சளோட இணைந்து முகத்தில் இருக்கும் பாக்டீரியாக்களால் ஏற்படும் பருக்களை அடியோடு போக்கும்.
பப்பாளி மற்றும் பச்சை பட்டாணி ஃபேஸ் பேக்
சருமத்தை நன்றாக கழுவி விட்டு பப்பாளி மற்றும் வேகவைத்த பட்டாணி இரண்டையும் மிக்ஸியில் சேர்த்து அரைத்து வாரத்தில் இரண்டு நாட்கள் இந்த ஃபேஸ் பேக்கை பயன்படுத்தி வரும்போது உங்கள் முகம் பொலிவு பெறுவதுடன் நன்கு கலராக மாறும். குறிப்பாக, முகத்தில் உள்ள கரும்புள்ளிகள் தழும்புகள் மறைய ஆரம்பிக்கும்.
பட்டாணியை ஏன் வேகவைத்து பயன்படுத்த வேண்டும்
பச்சைப் பட்டாணியை முகத்திற்கு நேரடியாக பயன்படுத்தக் கூடாது. வேக வைத்து தான் பயன்படுத்த வேண்டும். அதேபோல், ரெடிமேடாக உரித்து விற்கப்படும் பட்டாணியில் நிறச்சாயங்கள் சேர்க்கப்பட்டு இருக்கலாம்.
அதனால், பிரஷ்ஷான தோளுடன் இருக்கக்கூடிய பட்டாணியை வாங்கி பயன்படுத்துவது சிறந்ததாக கருதப்படுகிறது. பச்சை பட்டாணியை பச்சையாக பயன்படுத்தும் போது அதில், இருக்கும் சில மூலக்கூறுகள் சருமத்தில் எரிச்சல் மற்றும் அரிப்பை ஏற்படுத்தலாம். ஒருவேளை உங்களுக்கு இது குறித்து சந்தேகம் இருந்தால் பேட்ச் டெஸ்ட் செய்துவிட்டு பயன்படுத்துவது சிறந்தது.
குறிப்பு: இந்த கட்டுரையில் சொல்லப்பட்டவை தகவல் நோக்கங்களுக்காகவே. இதன் உண்மைத் தன்மை, துல்லியம் மற்றும் செயல்திறன் ஆகியவற்றுக்கு UTV Prime பொறுப்பாகாது.
