தமிழ் சினிமாவில் தவிர்க்க முடியாத நடிகராக உள்ள தனுஷ், தனது மனைவியும் ரஜினியின் மகளான ஐஸ்வர்யாவை விவாகரத்து செய்துவிட்டார். இந்த தம்பதிக்கு 2 மகன்கள் உள்ளனர்.
இதையடுத்து தனுஷ்க்கு எதிராக பல சர்ச்சைகள் கிளம்பியது. எந்த ஒரு நடிகையும் விவாகரத்து செய்து விட்டால் அதற்கு காரணம் தனுஷ்தான் என தகவல் காட்டுத்தீ போல பரவியது.
இப்படி தனுஷை சுற்றி ஏராளமான வதந்திகள் பரவி வரும் நிலையில், நடிகர் தனுஷ், பிரபல நடிகை மிருணாள் தாகூரை திருமணம் செய்ய போவதாகவும், வரும் பிப்ரவரி 14ஆம் தேதி இருவரும் திருமணம் செய்ய உள்ளதாக சோஷியல் மீடியாக்களில் பேச்சுகள் அனல் பறந்தன.
இருவரும் காதலித்து வருவதாக சமீபத்தில் வெளியான தகவல் குறித்து இருதரப்பினரும் எந்த கருத்தையும் முன் வைக்கவில்லை. இதனால் நெட்டிசன்களுக்கு இது சான்ஸ் ஆக அமைந்துவிட்டது.
இணையத்தில் தனுஷ் – மிருணாள் குறித்து ஏராளமான மீம்ஸ், வதந்தி பரப்பப்பட்டு வருகிறது. உச்சக்கட்டமாக இருவருக்கும் திருமணம் நடந்து முடிந்தது போன்ற AI வீடியோ ஒன்று உலா வருகிறது.
செயற்கை நுண்ணறிவு உலகில் பெரும்பாலும் தவறான தகவல்கள் பரவி வருவதற்கு இந்த வீடியோவும் உதாரணமாக சொல்லலாம். ரசிகர்களை குழப்பத்திலும், அதிர்ச்சியிலும் ஆழ்த்திய AI வீடியோ வெளியாகி வைரலாகி வருகிறது.
