சுதா கொங்கரா இயக்கத்தில், சிவகார்த்திகேயன், ஸ்ரீலீலா, ரவி மோகன், அதர்வா உள்ளிட்ட பலர் நடிப்பில் இன்று வெளியானது பராசக்தி. ஜிவி இசையமைப்பில் பாடல்கள் வெளியாகி அமோக வரவேற்பை பெற்றது.
இந்தி எதிர்ப்பு போராட்டத்தை மையமாக வைத்து எடுக்கப்பட்ட இந்த படம், தணிக்கை சான்றிதழ் பெற தாமதாமானாலும் இறுதியில் திட்டமிட்டபடி வெளியானது.
இந்த நிலையில் முதல் நாளான இன்று பல பிரபலங்கள் படத்தை காண தியேட்டரில் குவிந்தனர். சிவகார்த்தகியேன், ஸ்ரீலீலா, சுதா கொங்கரா, கெனிஷா உள்ளிட்ட பிரபலங்களும் படத்தை தியேட்டரில் பார்த்து ரசித்தனர்.
படத்தை பார்த்த ரசிகர்கள் படத்தை கொண்டாடினாலும், ஒரு சிலர் நெகட்டிவ் கருத்துக்களை வைத்துள்ளதால் கலவையான விமர்சனங்கள் வந்துள்ளது. இந்த நிலையில் படத்தை பார்த்த நடிகை ஷாலினி அஜித்குமார், படம் நன்றாக வந்துள்ளது. நான் என்ஜாய் செய்தேன் என கூறியுள்ளார்.
