விபத்தில் சிக்கிய விஜய் கார்.. ஏர்போர்ட்டில் தவறி விழுந்து அடுத்தடுத்து நடந்த ஷாக்!

விஜய் ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ள படம் ஜனநாயகன். விஜய் சினிமா கேரியரில் கடைசி படம் என்பதால், மலேசியா கோலாலம்பூரில் பிரம்மாண்டமாக ஆடியோ வெளியீட்டு விழா நடந்தது.

இந்த நிகழ்வு முடிந்ததும், விஜய் மலேசியாவில் இருந்து சென்னை புறப்பட்டார். சென்னை ஏர்போர்ட் வந்ததும், அவரை காண கூட்டம் திரண்டது. விஜய்யை வரவேற்க, தவெக தொண்டர்கள், ரசிகர்கள் திரண்டனர்.

விமான நிலையத்தில் இருந்து வெளியே வந்த விஜய் தனது காரை நோக்கி புறப்பட்ட போது, ரசிகர்கள் அவரை காண முட்டி மோதினர். கூட்ட நெரிசலில் ரசிகர்கள் முண்டியடித்ததால், தனது கார் அருகே விஜய் வரும் போது கூட்டம் நெருங்கி வர ஒருவர் மீது ஒருவர் விழுந்து கொண்டனர்.

இந்த கூட்டத்தில் சிக்கி விஜய்யும் தடுமாறி கீழே விழுந்தார். இதையடுத்து பாதுகாவலர்கள் அவரை பத்திரமாக தாங்கி பிடித்து காரில் ஏற்றினர். இதையடுத்து அவரின் கார் மீது மற்றொரு காரும் மோதியதால் விபத்து ஏற்பட்டது.

செல்பி எடுக்க ரசிகர்கள் முண்டியடித்ததால் தவறி விழுந்த விஜய் – சென்னை விமான நிலையத்தில் பரபரப்பு!#Vijay #ThalapathyVijay #VijayAtAirport #VijayFans #ChennaiAirport #Kollywood #TamilCinema #BreakingNews #VijayViral pic.twitter.com/5UMjavewRu

— UTV PRIME (@utvprime) December 28, 2025

ரிவர்சில் வந்த கார், விஜய் இருந்த கார் மீது முன்பக்கத்தில் மோதியது. இதில் விஜய் காரின் இண்டிகேட்டர் பகுதி சேதமடைந்தது. யாருக்கும் எந்த அம்பாவிதமும் ஏற்படவில்லை. இதையடுத்து விஜய், நீலாங்கரை இல்லத்திற்கு திரும்பினார்.

அடுத்தடுத்து நடந்த நிகழ்வு, மலேசியா ஆடியோ வெளியீட்டு விழா நல்லபடியாக நடந்து முடிந்தாலும் விஜய்க்கு ஏற்பட்ட கண் திருஷ்டி என கூறுகின்றனர். இதனால் அடுத்தடுத்து சிறுசிறு அபசகுணம் ஏற்பட்டதாக ரசிகர்கள் சமூக வலைதளங்களில் பதிவிட்டு வருகின்றனர்.