2026 ஆம் ஆண்டுக்கான தமிழ்நாடு சட்டமன்றத் தேர்தலில் நடிகர் விஜய் மற்றும் தவெக தலைவர் தமிழக வெற்றி கழகத்தில் இம்முறை போட்டியிட உள்ளதால், சட்டமன்ற தேர்தலில் நான்குமுனை போட்டி என்று அரசியல் களம் சூடு பிடித்துக் கொண்டுள்ளது. தமிழக வெற்றிக் கழகத் தலைவர் விஜய், பெரம்பூர் மற்றும் திருச்சி கிழக்கு ஆகிய இரண்டு தொகுதிகளில் போட்டியிடுவதற்காக தனது வேட்புமனுவைத் தாக்கல் செய்தார்.
மேஜிக் ஒர்க் அவுட் ஆகுமா?.. பாலிவுட்டில் முன்னணி ஹீரோவுக்கு ஜோடியாகிறார் நயன்தாரா..!
வேட்பு மனு தாக்கலில் மொத்த சொத்து விவரத்தையும் குறிப்பிட்ட விஜய் தனது தந்தை, தாய், மனைவி, மகன், மகள் ஆகியோருக்கு கடன் கொடுத்திருப்பதையும் குறிப்பிட்டிருந்தார். சங்கீதாவுக்கு 12 கோடி ரூபாயும், எஸ்.ஏ சந்திரசேகருக்கு மூன்று கோடி ரூபாயும், சோபாவிற்கு 87 லட்ச ரூபாயும், சஞ்சய்க்கு 8 லட்ச ரூபாய், மகள் திவ்யா ஷாஷாவுக்கு நான்கு லட்ச ரூபாயும் கடன் கொடுத்திருக்கிறேன் என்று குறிப்பிட்டிருக்கிறார்.
ரசிகர்களை அதிர்ச்சியடைய வைத்த ‘அந்த’ புகைப்படம்.. பாரதிராஜாவின் தற்போதைய நிலை..!
அதை பார்த்து பலரும் மனைவி, மகள், அப்பா, அம்மாவுக்கு கொடுத்த பணத்தை கூடவா கடன் லிஸ்டில் சேர்ப்பார். ஏன் இப்படி இருக்கிறார். என்றெல்லாம், விஜய்யை விமர்சிக்க தொடங்கிவிட்டனர். அவர்களுக்கு தவெகவினரும் தற்போது பதிலடி கொடுத்து வருகின்றனர்.
முன்னதாக, சிவகார்த்திகேயன், விமல் ஆகியோர் சேர்ந்து நடித்த ‘கேடி பில்லா கில்லாடி ரங்கா ‘ படத்தின் காட்சியை தற்போது சமூக வலைதளங்களில் நெட்டிசன்கள் வெளியிட்டு கிண்டல் செய்து வருகின்றனர். தன் குடும்பத்திற்காக செலவு செய்யும் அனைத்தையும் நோட்டு போட்டு டெல்லி கணேஷ் குறித்து வைப்பார்.
அது மட்டும் இன்றி விமலிடம் நீ எனக்கு மொத்தம் 18 லட்சம் கடன் கொடுக்க வேண்டும் அதைக் கொடுத்துவிட்டு எங்க வேணாலும் போ என்று சொல்லும்படியான காட்சிகள் அமைந்திருக்கும். அதேபோல, ஒரு சீனில் டெல்லி கணேசனின் மனைவி போன் செய்து அவர் எனக்கு செலவு செய்ததையும் நோட்டு போட்டு எழுதி இருக்காரு என்று சொல்லுவார். இந்த சீன்களை எடுத்து போட்டு விஜய் அண்ணா இதை ரியல் வாழ்க்கையில் செய்திருக்கிறார் என தற்போது, சமூக வலைதளங்களில் பதிவிட்டு வருகின்றனர்.
