ஓப்போவின் அதிரடி: 6,500 mAh பேட்டரியுடன் OPPO A6s 5G அறிமுகம்
இந்திய ஸ்மார்ட்போன் சந்தையில் முன்னணி வகிக்கும் ஓப்போ (OPPO) நிறுவனம், பட்ஜெட் விலையில் அதீத பேட்டரி திறன் கொண்ட OPPO A6s 5G ஸ்மார்ட்போனை வெளியிட்டுள்ளது. நீண்ட நேரம் சார்ஜ் நிற்கும் வசதி மற்றும் ஸ்டைலான வடிவமைப்புடன் இந்த போன் வந்துள்ளது.
6,500mAh மெகா பேட்டரி & ஃபாஸ்ட் சார்ஜிங்
இந்த போனின் மிக முக்கியமான சிறப்பம்சமே இதன் 6,500mAh பிரம்மாண்ட பேட்டரிதான். ஒருமுறை முழுமையாக சார்ஜ் செய்தால், சுமார் 22.4 மணிநேரம் தொடர்ந்து வீடியோ பார்க்கலாம் அல்லது 882 மணிநேரம் ஸ்டான்ட்பை (Standby) நேரத்தில் வைத்திருக்கலாம் என ஓப்போ தெரிவிக்கிறது. மேலும், இதில் 45W SUPERVOOC ஃபாஸ்ட் சார்ஜிங் வசதி உள்ளதால், வெறும் 30 நிமிடங்களில் 1% முதல் 41% வரை சார்ஜ் செய்துவிட முடியும்.
டிஸ்பிளே மற்றும் டிசைன்
- திரை: 6.75 இன்ச் LCD டிஸ்பிளே.
- Refresh Rate: 120Hz அடாப்டிவ் புதுப்பிப்பு வீதம்
- வெளிச்சம்: 1,125 nits பீக் பிரைட்னஸ் (நேரடி சூரிய வெளிச்சத்திலும் திரை தெளிவாகத் தெரியும்).
- பாதுகாப்பு: IP64 ரேட்டிங் (தூசி மற்றும் தண்ணீர் துளிகளிலிருந்து பாதுகாப்பு).
- வண்ணங்கள்: இது ‘ஆரோரா கோல்ட்’ (Aurora Gold) மற்றும் ‘பிளம் பர்பிள்’ (Plum Purple) ஆகிய இரண்டு கவர்ச்சிகரமான நிறங்களில் கிடைக்கிறது.
கேமரா மற்றும் செயல்திறன்
புகைப்படங்களை எடுப்பதில் ஆர்வம் உள்ளவர்களுக்காக, இதன் பின்புறம் 50MP மெயின் கேமரா மற்றும் 2MP செகண்டரி லென்ஸ் கொண்ட இரட்டை கேமரா அமைப்பு உள்ளது. முன்பக்கத்தில் 5MP செல்ஃபி கேமரா வழங்கப்பட்டுள்ளது.
சாம்சங் ஐபோன் இடையே இனிநேரடி ‘ஏர்டிராப்’.. தொழில்நுட்ப உலகின் நீண்டகாலப் போர் முடிவுக்கு வந்தது..!
செயல்திறனைப் பொறுத்தவரை, இதில் MediaTek Dimensity 6300 சிப்செட் பயன்படுத்தப்பட்டுள்ளது. இது 5G நெட்வொர்க்கில் மிக வேகமாகவும், கேமிங் செய்யும்போது லேக் (Lag) இல்லாமலும் செயல்பட உதவும்.
விலை
இந்தியாவில் OPPO A6s 5G இரண்டு வேரியண்ட்களில் அறிமுகம் செய்யப்பட்டுள்ளது:
- 4GB RAM + 128GB Storage: ரூ. 18,999
- 6GB RAM + 128GB Storage: ரூ. 20,999
