நடிகர் தனுஷின் சினிமா கெரியரில் முக்கியத்துவம் வாய்ந்த படமாக இருப்பது புதுப்பேட்டை படம். இந்த திரைப்படம் 2006 ஆம் ஆண்டு வெளிவந்த சூழலில் மிகவும் மிகப்பெரிய வெற்றியை கொடுத்தது. கேங்ஸ்டர் கேரக்டரில் தனுஷ் இந்த படத்தில் அசத்தலான நடிப்பை வெளிப்படுத்த இருந்தார்.
யுவன் சங்கர் ராஜா இசையில் படத்தின் பாடல்களும் பின்னணி இசையும் மிகுந்த வரவேற்பை பெற்றது. இந்த திரைப்படம் வெளியாகி 20 ஆண்டுகள் நிறைவு பெற உள்ள நிலையில், இந்த படத்தின் அடுத்த பாகம் எப்போது உருவாகும் என்ற எதிர்பார்ப்பு ரசிகர்கள் மத்தியில் இருந்து வந்தது.
முன்னதாக, இயக்குனர் செல்வராகவன் சமீப காலமாக படம் இயக்குவதை விட நடிப்பில் தான் அதிகம் கவனம் செலுத்தி வருகிறார். அவர் எப்போது பேட்டி கொடுத்தாலும் அவரிடம் ஒரு கேள்வியை தவறாமல் கேட்டு விடுவார்கள், புதுப்பேட்டை 2 எப்பொழுது என்பதுதான் அந்த கேள்வி.
அவரும் அதற்கான பணியில் இருப்பதாக தொடர்ந்து பல வருடங்களாக கூறி வந்தார். புதுப்பேட்டை 2 படத்திற்கான ஸ்கிரிப்ட் எழுதி முடித்து விட்டதாக தற்போது எக்ஸ் தளத்தில் பதிவிட்டு இருக்கிறார். அதனால், ரசிகர்கள் நீண்ட நாட்களாக கேட்டு வரும் விஷயம் நடக்கப்போகிறது என மகிழ்ச்சியாக கமெண்ட் செய்து வருகின்றனர்.
