இயக்குநர் வெற்றிமாறன் இயக்கத்தில் உருவாகி வரும் புதிய திரைப்படம் “அரசன்” தற்போது கோலிவுட்டில் பெரும் எதிர்பார்ப்பை ஏற்படுத்தியுள்ளது. பிரபல தயாரிப்பாளர் கலைப்புலி எஸ். தாணு தயாரிக்கும் இந்த படத்தில் முன்னணி நடிகர் சிம்பு (சிலம்பரசன்) கதாநாயகனாக நடித்து வருகிறார். இசை உலகில் தனித்துவமான பாணியால் ரசிகர்களை கவர்ந்த அனிருத் ரவிச்சந்தர் இந்த படத்திற்கு இசையமைக்கிறார்.
படத்தின் முதற்கட்ட படப்பிடிப்பு தூத்துக்குடி மாவட்டத்தின் கோவில்பட்டி பகுதியில் வெற்றிகரமாக நிறைவு பெற்றுள்ளது. அங்குள்ள இயற்கை சூழலை பின்னணியாகக் கொண்டு சில முக்கியமான காட்சிகள் படமாக்கப்பட்டதாக கூறப்படுகிறது.
தற்போது, இப்படத்தின் ஷூட்டிங் மீண்டும் துவக்கியுள்ளது. சூட்டிங் ஸ்பாட்டில் இருந்து சிம்பு புகைப்படம் நேற்று வெளியாகியிருந்தது. இந்நிலையில், அரசன் படத்தில் முக்கிய கதாபாத்திரத்தில் பிரியங்கா மோகன் நடித்த இருப்பதாகவும், மேலும் டூரிஸ்ட் ஃபேமிலி உள்ளிட்ட படங்களில் நடித்திருக்கும் யோகலட்சுமி ஒரு முக்கிய கதாபாத்திரத்தில் நடிக்க இருப்பதாகவும் தகவல்கள் வெளியாகி உள்ளன.
