தமிழக வெற்றிக் கழக தலைவரும், நடிகருமான விஜய் சுற்றி தினமும் விமர்சனங்கள் வந்து கொண்டே இருக்கின்றன.
அண்மையில் அவர் மனைவி விவாகரத்து கேட்டு நீதிமன்றம் படியேறிய நிலையில், விவாதப் பொருளானது. ஆனால் மனுவில் விஜய், நடிகையுடன் திருமணத்தை மீறிய உறவு வைத்திருந்ததாக அவர் சொன்னதுதான் ஹைலைட்.
இதனால் விஜய் பற்றிய விமர்சனம், அரசியல் மற்றும் சினிமா வட்டாரங்களில் பேசு பொருளானது. இது குறித்து விஜய் எந்த அறிக்கையோ, வாய் திறந்து பேசவோ இல்லை.
குறிப்பாக விஜய் மனைவி சங்கீதா குறித்து, விஜய் ரசிகர்கள் மற்றும் தொண்டர்கள் சமூக ஊடகங்களில் கடுமையான விமர்சனங்களை முன் வைத்தனர். இதற்கு விஜய் மீது பலரும் கண்டனங்களை தெரிவித்தனர்.
தனது ரசிகர்கள், தொண்டர்களை கட்டுப்படுத்த வேண்டும் என விஜய்க்கு பல தரப்பில் இருந்து நெருக்கடிகள் வந்தன. ஆனால் அவர் வாய் திறந்து ஒரு வார்த்தை பேசவில்லை.
இந்த நிலையில் நேற்று ஏஜிஎஸ் நிறுவனத்தின் இல்லத் திருமண விழாவுக்கு நடிகை திரிஷாவுடன் விஜய் வருகை தந்தது சர்ச்சையை கிளப்பியது.
தனக்கு நெருக்கடி ஏற்பட்டால், அந்த நடிகை யார் என்று ஆதாரத்துடன் வெளியிடுவேன் என விஜய் மனைவி சங்கீதா கூறிய நிலையில், ஹாயாக ஜாலியாக விஜய், ஒரே காரில் திரிஷாவுடன் வந்திருந்தது பரபரப்பை கிளப்பியது. இது தொடர்பான வீடியோ, போட்டோ இணையத்தில் வைரலாகின.
நீங்க யாருனு சொல்ல வேண்டாம், நானே சொல்கிறேன் என சொல்லாமல் விஜய் சொல்லிவிட்டார் என விஜய் ரசிகர்கள் ஒரு பக்கம் மார் தட்டிக்கொள்ள, பலரும் விஜய்க்கு எதிர்வினையாக விமர்சனங்களை முன் வைத்து வருகின்றனர்.
குறிப்பாக நடிகையும், பாஜக நிர்வாகியுமான கஸ்தூரி போட்ட பதிவு சுளீர் என திட்டியது போல உள்ளது. அவர் வெளியிட்டுள்ள பதிவில், தமிழக அரசியலிலே பெரியாளா வரணும்னா என்ன பண்ணனும்? மனைவி துணைவி இணைவின்னு தெனாவட்டா மெயின்டைன் பண்ணனும்.
கடைசியிலே இதுலதான் போட்டி போல. இதுக்கு எதுக்கு லாயர் நோட்டீஸ், அறிக்கை, பெண்ணியம் புண்ணாக்கியம் எல்லாம் . இவ்வாறு அவர் நக்கலாக விமர்சித்துள்ளார்.
