2003 ஆம் ஆண்டு தமிழ் சினிமாவில் வெளியான பாய்ஸ் படத்தின் மூலமாக அறிமுகமானவர் நடிகர் பரத். அதன் பிறகு, இவருக்கு ஏராளமான பட வாய்ப்புகள் அமைந்தது.
முன்னதாக,சாக்லேட் பாயாக வலம் வந்தபரத், சீரியஸ் பாயாக மாற்றியது இயக்குனர் பாலாஜி சக்திவேல் இயக்கிய காதல் திரைப்படம். மேலும், பரத் தன் கேரியரில் பல்வேறு கடினமான கதாபாத்திரங்களை ஏற்று நடித்து இருக்கிறார். காதல், எம்டன் மகன், கண்டேன் காதலை, பட்டியல், வெயில், வானம், கூடல் நகர், சேவல், அரவான், நேபாளி என எண்ணற்ற கமர்சியல் ஹிட் படங்களை கொடுத்தவர் நடிகர் பரத்.
முன்னதாக இவர் அதிகம் உழைத்தது என்னவோ 555 படத்திற்காகத்தான் காரணம் அந்த படத்தில் நடிப்பை தாண்டி உடலளவில் பல்வேறு மெனக்கிடல்களை பரத் செய்திருக்கிறார். அது குறித்து, தற்போது பரத் பேசிய வீடியோ ஒன்று சமூக வலைதளங்களில் வெளியாகி வைரலாகி வருகிறது.
அதாவது, சமீபத்தில் ஒரு நிகழ்ச்சியில் பேசிய பரத் சிக்ஸ் பேக் வைத்ததால், தான் பட்ட கஷ்டம் பற்றி பேசி இருந்தார். மேலும், சிக்ஸ் பேக் என்பதை யாரும் வைக்க முயற்சி கூட பண்ணாதீர்கள். அது ஆரோக்கியமானது கிடையாது. உள்ளே அதிக பாதிப்புகளை ஏற்படுத்தும்.
அதிக தியாகங்கள் வாழ்க்கை முறைகள் மாற்றம் இருக்கும். வெளியில், பார்க்கும் பொழுது சிக்ஸ் பேக் என்பது போட்டோவுக்கு மட்டும் நன்றாக இருக்கும். ஆனால், அதற்கு இருக்கும் உழைப்பு மிகப்பெரியது.
மேலும், இப்போது இருக்கும் இளைஞர்கள் அப்படி சிக்ஸ் பேக் முயற்சிக்க வேண்டும் என்றால், ஒரு முறை முயற்சி செய்து விட்டு விடுங்கள். அதையே, மெயின்டெயின் செய்வதற்கு உடலுக்கு மெய்ண்டெயின் செய்வது உடலுக்கு நல்லது கிடையாது.
பிஸ்கட், சிக்கன், முட்டை, காய்ந்த திராட்சை இதை மட்டுமே ஒன்றை வருடம் சாப்பிட்டு வாழ்ந்ததாகவும், அப்போது என் உடலில் இருந்த கொழுப்புகள் வெரும் 11 தான் என்று இவ்வாறு அந்த வீடியோவில் தெரிவித்துள்ளார்.
