நடிகர் சூர்யா வாரிசு நடிகர் என்று பச்சை குத்தப்பட்டாலும், தமிழ் சினிமாவில் தனது கடின உழைப்பால் தொடர்ந்து பல வெற்றி படங்களை கொடுத்து முன்னணி நடிகராக உள்ளார்.
ஆனால் சமீப காலமாக அவருக்கு ஹிட் படம் எதுவும் அமையவில்லை. சூர்யாவுக்கு ஹிட் என்றால் சூரரைப் போற்று மற்றும் ஜெய் பீம் படங்கள்தான். அதில் சூரரைப் போற்று நேரடியாக ஓடிடியில் வெளியானது.
எதற்கும் துணிந்தவன், கங்குவா,ரெட்ரோ போன்ற படங்கள் பெரியதாக எடுபடவில்லை. இருப்பினும் ரெட்ரோ ஓரளவு கல்லா கட்டியது. இந்த நிலையில் கருப்பு படத்தில் நடித்து வரும் சூர்யா, தற்போது 46வது படத்தில் நடிப்பது குறித்து முக்கிய அறிவிப்பு வெளியானது.
அதில் சூர்யா கைக்குழந்தையுடன் இருக்கும் போஸ்டர் வெளியாகியுள்ளது. ஏற்கனவே கவின் நடிப்பில் உருவான டாடா படத்தின் போஸ்டர் போலவே இது அமைந்துள்ளதால், டாடா படத்தின் போஸ்டர் கூட காப்பியடிக்கப்பட்டுள்ளதாக நெட்டிசன்கள் விமர்சித்து வருகின்றனர்.
Love with a difference, family with a purpose — we arrive in July as a wholesome entertainer.#VenkyAtluri@gvprakash@_mamithabaiju@realradikaa akka@TandonRaveena@SitharaEnts pic.twitter.com/pMpY8U1vCs
— Suriya Sivakumar (@Suriya_offl) March 2, 2026
2023ல் வெளியான டாடா படம் கவினுக்கு திருப்புமுனை படமாக அமைந்திருந்தது. சூர்யாவும் அதே போல நல்ல குடும்பக் கதையை தேர்வு செய்துள்ளதாக கூறப்படுகிறது. அதுவும் தெலுங்கு சினிமா இயக்குநரான வெங்கி அட்லூரி இயக்குகிறார். இவர் இயக்கிய லக்கி பாஸ்கர் சூப்பர் டூப்பர் ஹிட் அடித்தது.
சூர்யாவுக்கு ஜோடியாக மமிதா பைஜூ நடிக்கிறார். ஜிவி பிரகாஷ் இசையமைக்க இந்த படம் ஜூலை மாதம் வெளியாக உள்ளது. இந்த படம் டாடாவை போல சாயல் இல்லாமல் தனித்துவமாக இருந்து வெற்றி பெற வேண்டும் என ரசிகர்கள் இப்பவே வேண்டிக்கொள்கின்றனர்.
