எதிர்நீச்சல் சீரியலில் ரேணுகா கதாபாத்திரத்தில் நடித்து வருபவர் பிரியதர்ஷினி. இவர் பல சீரியல்களில் ஆரம்ப காலக்கட்டத்தில் நடித்து வந்தார். ஆனால் எதிர்நீச்சல் சீரியல் இவருக்கு நல்ல பெயரை வாங்கி கொடுத்துள்ளது.
இவரின் சகோதரி தான் சின்னத்திரை மற்றும் வெள்ளித்திரையில் கலக்கிய நடிகை டிடி என்கிற திவ்யதர்ஷினி. டிடி குறித்து ஓபனாக பேசியுள்ள பிரியதர்ஷினி, நான் தான் வீட்டில் மூத்தவள். ஆனால் என் குடும்பம், அம்மா, தம்பி என அனைவரையும் கவனித்து வந்தவள் என் தங்கை டிடி.
அவளுடைய தனிப்பட்ட வாழ்க்கையில் இருந்து இன்னும் எங்களாலே மீளமுடியவில்லை. அவளும் அப்படித்தான் உள்ளார். காதல் திருமணம் பார்த்து பார்த்து செய்தும், வாழ்க்கை இப்படி ஆகிவிட்டது. அந்த வலி இன்னும் எங்கள் குடும்பத்தை விட்டு நீங்கவில்லை என கூறியுள்ளார்.
டிடி கடந்த 2014ஆம் ஆண்டு காதலித்தவரையே திருமணம் செய்தார். ஆனால் சீக்கிரமே அந்த திருமணம் விவாகரத்தில் முடிந்தது. அதில் இருந்து தற்போது வரை டிடி இரண்டாவது திருமணமே செய்து கொள்ளவில்லை என்பது குறிப்பிடத்தக்கது.
