நடிகரும் தமிழக வெற்றிக்கழகத்தின் தலைவருமான விஜய் காரைக்குடியில், தனது கட்சி வேட்பாளர்களை ஆதரித்து பிரச்சாரம் செய்ய மதுரை வழியாக காரைக்குடிக்கு சென்று கொண்டிருந்தார். அப்பொழுது, மதுரையில் உள்ள டோல்கேட் ஒன்றில் விஜய்யை வரவேற்க நூற்றுக்கணக்கான ரசிகர்கள் அந்த சமயத்தில் காத்துக் கொண்டிருந்தனர். விஜயின் வாகனத்தை கண்டதும் உற்ச்சாக மிகுதியில் விஜய் ரசிகர்கள் அவரது வாகனத்தை பின் தொடர்ந்து ஓடினர்.
சிலர் அவரது வாகனத்தில் பூக்களை தூவி வரவேற்றும் மகிழ்ந்தனர். அதேபோல், ஒரு சில ரசிகர்கள் அவரது வாகனத்தில் பக்கபாட்டில் உள்ள கம்பியை பிடித்து வாகனத்தில் தொத்திக் கொண்டு விஜயை பார்த்து விட வேண்டும் என்ற ஆர்வத்தில் வாகனத்தை பின் தொடர்ந்து தொத்திக் கொண்டு வந்தனர்.
சோதனையில் சிக்கிய பணம்?.. விஜய் வாகனத்தில் பறக்கும் படையினர் சோதனை..!
இதை சிறிதும் எதிர்பாக்காத விஜயின் பாதுகாவலர் ஒருவர் அந்த ரசிகரை வாகனத்தின் கம்பியில் இருந்து கையை எடுக்கச் சொன்னார். மேலும், அவரது கையை தனது கையால் எடுத்து விடவும் முயற்சித்தார். இதையடுத்து, அவர் அணிந்திருந்த பூட்ஸ் காலால் எட்டி எட்டி மிதித்தார். இது தொடர்பான வீடியோ தற்போது சமூக வலைதளங்களில் வெளியாகி வைரலாகி வருகிறது.
‘கை’ நழுவும் காங்கிரஸ்… தவெக பக்கம் ‘கை’ மாறிய தொகுதி.!
முன்னதாக, பிரச்சாரத்திற்கு கர்ப்பிணிகள் சிறுவர், சிறுமியர் உள்ளிட்டோரை அழைத்து வர வேண்டாம் என்று தமிழக வெற்றிக்கழகத்தின் சார்பில் அறிவுறுத்தப்பட்டு இருந்தது. இத்னை பின்பற்றாமல் தொண்டர்கள் மற்றும் ரசிகர்கள் விஜயின் வாகனத்தை பின் தொடர்வதால் விபத்துகளும் நடைபெறுவது தொடர் கதையாகி வருகிறது குறிப்பிடத்தக்கது.
