பொதுவாக கசப்பான காய்கறிகளை பெரும்பாலானோர் விரும்ப மாட்டார்கள். அந்த வகையில் கசப்பு காயாக இருந்தாலும் பாகற்காயில் அதிகப்படியான சத்துக்கள் உள்ளது. அதனால், தான் கசப்பான வேப்பிலையை கூட நமது முன்னோர்கள் பயன்படுத்தி வந்தார்கள். பாகற்காய் கசப்புத் தன்மை கொண்டதாக இருந்தாலும், ஆரோக்கியத்தில் இனிப்பான பல நன்மைகளைத் தரக்கூடியது.
கசப்பின் வழியே வந்த பாகற்காயில் ஏராளமான ஆரோக்கிய நன்மைகள் அடங்கியிருப்பது உங்களுக்கு தெரியுமா? அது குறித்து, இந்த பதிவில் காண்போம்.
ஆரோக்கிய நன்மைகள்
- இதனை அடிக்கடி சாப்பிடுவோரின் ரத்த சர்க்கரை அளவு மேம்படுத்தப்படுகிறது.
- நமது உடலில் நோய் எதிர்ப்பு சக்தியை அதிகரிக்கிறது
- உடல் எடை இழப்பை ஊக்குவித்து உடல் பருமனை குறைக்க பாகற்காய் ஜூஸ் உதவுகிறது.
- உடலின் செரிமானத்தை மேம்படுத்தி அஜீரண கோளாற்றை சரி செய்வதற்கு பாகற்காய் ஜூஸ் உதவுகிறது.
- உடலில் உள்ள கெட்ட கொலஸ்ட்ராலை குறைத்து கொலஸ்ட்ரால் அளவை சீராக்கி, இதய நோய் வராமல் காக்கிறது.
- பாகற்காய் ஜூஸ் வாரத்தில் இரண்டு முறை குடித்து வந்தால், புற்றுநோய் தாக்காமல் நம்மை பாதுகாக்கிறது.
- பாகற்காய் ஜூஸில் ஏராளமான ஆரோக்கிய நன்மைகள் இருப்பதால், தோல் மற்றும் முடியை ஊக்குவித்து முடி உதிராமல் தடுக்கிறது.
கசப்பைக் குறைக்க வழிகள்
உப்பு மற்றும் மஞ்சள்
- நறுக்கிய துண்டுகளை உப்பு மற்றும் மஞ்சள் தூள் கலந்த நீரில் 15 – 20 நிமிடங்கள் ஊறவைத்துவிட்டு, பிறகு சமைத்தால் கசப்பு பெருமளவு குறையும்.
வெல்லம்
- வறுவல் அல்லது குழம்பு செய்யும்போது இறுதியில் ஒரு சிறிய துண்டு வெல்லம் சேர்த்தால் சுவை அள்ளும்.
புளி அல்லது தயிர்
- சமைக்கும்போது சிறிது புளிக்கரைசல் அல்லது தயிர் சேர்த்தால் சுவை கூடுவதோடு கசப்புத் தன்மையும் மட்டுப்படும்.
உஷார்.. கரும்புள்ளிகளா?.. மெலனின் சுரப்பை பாதிக்கும் கல்லீரல் கோளாறுகள்..!
மருத்துவ நன்மைகள்
செரிமான மண்டலம்
- இதில் நார்ச்சத்து அதிகம் இருப்பதால், மலச்சிக்கல் பிரச்சனையைத் தீர்த்து செரிமானத்தை மேம்படுத்துகிறது.
சர்க்கரை நோய் மேலாண்மை
- இதில் உள்ள ‘பாலுபெப்டைட்-பி’ (Polypeptide-p) மற்றும் ‘சாராண்டின்’ (Charantin) ஆகிய சத்துக்கள் ரத்தத்தில் உள்ள சர்க்கரை அளவை இயற்கையாகவே குறைக்க உதவுகின்றன.
இரத்த சுத்திகரிப்பு
- பாகற்காய் சாறு இரத்தத்தைச் சுத்திகரிப்பதோடு, தோல் சம்பந்தமான நோய்கள் (முகப்பரு, சொறி போன்றவை) வராமல் தடுக்கிறது.
நோய் எதிர்ப்பு சக்தி
- வைட்டமின் C அதிகம் நிறைந்துள்ளதால், இது உடலில் நோய் எதிர்ப்பு சக்தியை அதிகரித்து தொற்றுநோய்களிலிருந்து பாதுகாக்கிறது.
இவ்வளவு ஆரோக்கிய நன்மைகள் உள்ள இந்த பாகற்காயை நீங்கள் உணவில் ஏதேனும் ஒரு வகையில், எடுத்துக்கொண்டு பயன்படுத்தினால் உங்களுக்கு ஆரோக்கிய சத்துக்கள் நிறைய கிடைக்கும் என்பது நிதர்சனமான உண்மை.
குறிப்பு: இந்த கட்டுரையில் சொல்லப்பட்டவை தகவல் நோக்கங்களுக்காகவே. இதன் உண்மைத் தன்மை, துல்லியம் மற்றும் செயல்திறன் ஆகியவற்றுக்கு UTVPrime பொறுப்பாகாது.
