இப்போது இருக்கும் இளைய தலைமுறையினர் ஆரோக்கியமான வாழ்க்கை முறையை கடைப்பிடிப்பதை ஒரு அத்தியாவசிய பழக்கமாகவே வைத்துள்ளனர். குறிப்பாக, மதுப்பழக்கம் இல்லாமல் இருப்பது, துரித உணவுகளை தவிர்ப்பது, உடற்பயிற்சியை மேற்கொள்வது போன்றவற்றில் பெரும்பாலானோர் விழிப்புணர் இருக்கின்றனர்.
Table of Contents
ஆனால், நாம் கவனிக்க தவறுகின்ற சில அன்றாட பழக்க வழக்கங்கள் நம்மை அறியாமலே நம்மை வயதான தோற்றத்தை நோக்கி நகர்த்துகின்றன. குறிப்பாக, நரைமுடி சுருக்கம் மட்டும் இல்லாமல் நம் உடலின் செல்களில் ஏற்படும் மாற்றமும் முதுமையை ஏற்படுத்தும். அந்த வகையில், வேகமாக முதுமையை ஏற்படுத்தும் எட்டு பழக்க வழக்கங்கள் குறித்து இந்த பதிவில் தெரிந்து கொள்வோம்.
தினமும் 4 சின்ன வெங்காயம்.. எப்படிச் சாப்பிட்டால் முழு பலன் கிடைக்கும்?..
நீண்ட நேரம் அமர்ந்திருப்பது
ஒரே இடத்தில் நீண்ட நேரம் அமைந்திருப்பது மிகப்பெரிய தவறாகும். தினமும் எட்டு மணி நேரத்திற்கு மேல் அமர்ந்திருப்பது உடல் பருமன் மற்றும் புகைப்பிடித்தலுக்கு இணையான உயிரிழப்பு அபாயத்தை ஏற்படுத்தும் என ஆய்வறிக்கையில் வெளியிடப்பட்டுள்ளது. ஒரே இடத்தில் நீண்ட நேரம் அமர்ந்திருப்பது உடலின் வளர்ச்சியை மாற்றும். நீண்ட நேரம் அமர்ந்திருப்பதால் உடலின் வளர்சிதை குறைந்து டிஎன்ஏவில் உள்ள செல்களை சுருக்கி முதுமையை விரைவாக்குகிறது.
ஆரோக்கியம் தான்.. ஆனா? வாழைப்பூ சாப்பிடும்போது கவனிக்க வேண்டிய விஷயங்கள்..!
தூக்கமின்மை
ஹார்மோனை சமநிலைப்படுத்தவும் தன்னைத்தானே உடல் சரிப்படுத்திக் கொள்ள தூக்கம் முக்கியமானதாக கருதப்படுகிறது. 5 மணி நேரம் தூக்கம் என்பது உடலுக்கு செய்யும் துரோகம் ஆகும். இதனால் சருமம் பாதிப்படைவதோடு எதிர்ப்பு சக்தியும் நினைவாற்றலும் சிதைக்கப்படுகிறது. குறைந்தது 8 மணி நேர தூக்கம் உடலுக்கு நல்ல ஆரோக்கியத்தை கொடுக்கும்.
மன அழுத்தம்
மன அழுத்தத்தில் இருப்பவர்களுக்கு கார்டிசோல் அதிகரித்து சருமத்தின் செல்களை சேதப்படுத்துகிறது. இதனால், சுருக்கங்கள் ஏற்பட்டு சீக்கிரமே வயதான தோற்றம் தெரிய ஆரம்பிக்கும். மேலும், இதய நோய், செரிமான கோளாறு மனநல பாதிப்பு போன்றவை மனநல அழுத்தத்தை உண்டாக்கக் கூடும்.
அதிகப்படியான ஸ்கிரீன் டைம்
கணினி மற்றும் மொபைல் போன், மடிக்கணினியில் இருந்து வரக்கூடிய ப்ளூ லைட் தூக்கத்தின் சுழற்சியை பாதிக்கிறது. மேலும், அதிக நேரம் இவற்றை திரையில் பார்ப்பது சருமத்திற்கு தீங்கு விளைவித்து முதுமையான தோற்றத்தை ஏற்படுத்துகிறது.
குறைந்த அளவு தண்ணீர் குடித்தல்
உங்களின் உடலின் சீரான இயக்கத்திற்கு தண்ணீர் மிகவும் இன்றியமையாதது. தினமும் குறைவான அளவு தண்ணீர் குடித்தால் உடல் வறட்சி ஏற்பட்டு சருமம் மந்தமடைந்து ஒட்டு மொத்த உடல் ஆரோக்கியத்தையும் சேதப்படுத்துகிறது.
பதப்படுத்தப்பட்ட உணவுகள்
இளம் வயதிலேயே உங்களது தோற்றம் முதுமையை கொடுக்கக்கூடியதாக இருக்கிறது என்றால், நீங்கள் அதிக அளவு சர்க்கரையும் பதப்படுத்தப்பட்ட உணவுகளையும் தவிர்ப்பது நல்லது.
தசை பயிற்சிகளை புறக்கணித்தல்
வயது அதிகரிக்கும் போது தசை நம் உடலில் குறைகிறது. நடைபயிற்சி மட்டும் தசை நிறையை அதிகரிக்க உதவாது. ஆகவே, தசை பயிற்சி முறையாக செய்யாமல் விட்டால் நம் உடல் பலம் இழந்து விரைவாகவே முதுமையை நோக்கி செல்லும்.
சமூக தொடர்பு இல்லாமல் இருப்பது
தன்னைத்தானே தனிமைப்படுத்திக் கொண்டு ஒருவர் சமூகத்துடன் தொடர்பில் இல்லாமல் இருந்தாலும், முன்கூட்டியே உயிரிழப்பு ஏற்படும் அபாயம் அதிகரிப்பதாக ஆய்வுகள் தெரிவிக்கின்றன. அண்டை வீட்டினர், நண்பர்கள், உறவினர்களுடன் உரையாடி மகிழ்ந்து நேரத்தை செலவிடுவது உடலுக்கும் மனதுக்கும் இளமையை தரும்.
தினமும் ஒரு மணி நேரம் உடற்பயிற்சி செய்து மேற்கூறிய பழக்க வழக்கங்களை மாற்றிக் கொண்டால் விரைவாக முதுமை அடைவதை தவிர்த்து நீங்கள் இளமையாக இருக்கலாம்.
குறிப்பு: இந்த கட்டுரையில் சொல்லப்பட்டவை தகவல் நோக்கங்களுக்காகவே. இதன் உண்மைத் தன்மை, துல்லியம் மற்றும் செயல்திறன் ஆகியவற்றுக்கு UTV Prime பொறுப்பாகாது.
