வரும் தேர்தலில் என்னுடைய ஆதரவு இந்த கட்சிக்குத்தான் என பதிவிட்டுள்ள நடிகைக்கு ஆதரவாகவும் மற்றும் எதிராகவும் நெட்டிசன்கள் கருத்துகள் பதிவிட்டு வருகின்றனர்.
நடிகை வினோதினி, குணச்சித்திர நடிகையாக பல படங்களில் நடித்து வருகிறார். முன்னதாக இவர் மநீம கட்சியில் பணியாற்றி பின்னர் அக்கட்சியில் இருந்து விலகினார்.
தற்போது இவர் வெளியிட்டுள்ள எக்ஸ் தளப் பதிவில், தனது ஆதரவு திமுக கட்சிக்கு என குறிப்பிட்டுள்ளார்.
இது குறித்து அவர் தனது எக்ஸ் தளப்பதிவில், வரவிருக்கும் 2026 சட்டமன்றத்த் தேர்தலில்,
ஸ்டாலின் அவர்கள் தலைமையிலான மதச்சார்பற்ற முற்போக்குக்கூட்டணிக்கு என் ஆதரவை வழங்க விழைகிறேன்.
நான் எந்த அரசியல் கட்சியையும் சேர்ந்தவளல்ல, எவ்வித பொறுப்போ பதவியோ வகிக்கவில்லை. எனது அரசியல் கருத்துக்களை முன்வைக்க எந்த நேரத்துலும் யாரிடமிருந்தும் பணமோ பொருளோ பெறவில்லை என்பதை இங்கு தெளிவாக பதிவு செய்கிறேன்.
கேப்டன் குறித்து சந்தர்ப்பவாத பேச்சு… பியூஷ் கோயலுக்கு எல்.கே சுதீஷ் கண்டனம்!
2002இல் சம்பாதிக்கத் தொடங்கிய நாள் முதல், இன்றுவரை ஒரு ஆண்டு விடாமல் வருமான வரி செலுத்தி வரும் இந்தியப்பிரஜை நான்.
ஒரு பெருமைமிக்க தமிழச்சியாக, M. K. Stalin அவர்கள் தலைமையிலான இக்கூட்டணியை ஆதரிக்கிறேன். ஏன் இந்தத்தேர்வு என்பதைப் பற்றிய கேள்விகளும் கருத்துகளும் வரவேற்கப்படுகின்றன. அவதூறான பதிவுகள் வழக்கம்போல் புறக்கணிக்கப்படும்.
பிளாக் செய்ய நேரமில்லை. ஆக்கப்பூர்வமான கேள்விகளுக்கும் கருத்துகளுக்கும் பதிலளிக்க முயல்கிறேன்; எனது நேரம் மற்றும் விருப்பத்தைப்பொருத்து என பதிவிட்டுள்ளார். இதற்கு நெட்டிசன்கள் பலர், ஆதரவாகவும் எதிராகவும் கருத்துகளை பதிவு செய்து வருகின்றனர்.
