உங்க வீட்ல டீ, காபி அதிகம் குடிக்கிறாங்களா? உங்க வீட்டுல இருக்குறவங்க கிட்ட இந்த பழக்கத்தை குறைக்கணும் அப்படின்னா கேரட் வச்சு ஹெல்த்தியான ஒரு மில்க் ஷேக் செஞ்சு குடுங்க.
தேவையான பொருட்கள்
- 400 கிராம் கேரட்
- ஐந்து பேரிச்சம்பழம்
- பத்து பாதாம்
- ஆறு முந்திரி
- 3 ஏலக்காய்
- தேவையான அளவு தண்ணீர்
பானம் தயாரிப்பதற்கு
- 1/2 லிட்டர் பால்
- ஐந்து டேபிள் ஸ்பூன் கேரட் பேஸ்ட்
- 2 டேபிள் ஸ்பூன் நாட்டு சக்கரை
செய்முறை
Step 1: முதலில் கேரட்டை நீரில் நன்றாக கழுவி அதன் தோலை நீக்கிவிட்டு துண்டு துண்டுகளாக வெட்டி எடுத்துக் கொள்ள வேண்டும். பின்பு குக்கரில் துண்டுகளாகப்பட்ட கேரட்டை சேர்த்து அதனுடன் விதைகளை நீக்கி ஐந்து பேரிச்சைபழம், 10 பாதாம், ஆறு முந்திரி மற்றும் 3 ஏலக்காயை சேர்க்க வேண்டும். பின்னர் குக்கரை மூடி அடுப்பில் வைத்து இரண்டிலிருந்து மூன்று விசில் விட்டு இறக்க வேண்டும். விசில் போனதும் குக்கரை திறந்து நீரை வடிகட்டி தனியாக எடுத்து வைத்துக்கொள்ள வேண்டும்.
ஆந்திரா முட்டை புளிக்குழம்பு.. இன்னைக்கே ட்ரை பண்ணுங்க.. காரம் தூக்கலான செய்முறை விளக்கம்..!
Step 2: பின்னர் பாதாம் மற்றும் வெளியில் எடுத்து அதன் தோலை நீக்கி விட வேண்டும். பிறகு வேகவைத்து பொருட்கள் அனைத்தையும் குளிர்ந்ததும். மிக்சர் ஜாரில் சேர்த்து அத்துடன் வேக வைத்த நீரை கொஞ்சம் கொஞ்சமாக ஊற்றி நன்கு மென்மையாகும் வரை அரைத்துக் கொள்ள வேண்டும். பின்னர் அரைத்ததை ஒரு டப்பாவில் சேர்த்து மூடி எடுத்து ஃப்ரீசரில் வைத்தால் மூன்றில் இருந்து நான்கு நாட்கள் வரை வைத்து சாப்பிடலாம்.
Step 3: பின்னர் ஒரு பாத்திரத்தில் அரை லிட்டர் பாலை ஊற்றி நன்கு காய்ந்த பின் அதில் அரைத்து வைத்துள்ள கேரட் பேஸ்ட்டில் ஐந்து டேபிள்ஸ்பூன் எடுத்து சேர்த்து நன்கு கலந்து விட வேண்டும். பாலானது நன்கு கொதித்து பால் கெட்டியாக தொடங்கியதும் அதை இறக்கி குளிர வைக்க வேண்டும்.
Step 4: பால் ஓரளவு குளிர்ந்த பின்னர் அதில் 2 டேபிள் ஸ்பூன் நாட்டு சர்க்கரையை சேர்த்து கலந்து பரிமாறலாம். சுவையான மற்றும் ஆரோக்கியமான கேரட் மில்க் ஷேக் தயார்.
