Chinna Marumagal என்ற தொடர், விஜய் தொலைக்காட்சியில் திங்கள் முதல் சனிக்கிழமை வரை இரவு 9.30 மணிக்கு ஒளிபரப்பாகி பார்வையாளர்களின் கவனத்தை ஈர்த்து வருகிறது. இதில் கதாநாயகியாக நடித்து வருபவர் Swetha.
இந்த நிலையில், ஸ்வேதாவின் கணவர் என கூறப்படும் Aadhi சமீபத்தில் அளித்த பேட்டி பெரும் சர்ச்சையை கிளப்பியுள்ளது. அந்த பேட்டியில், தாங்கள் இருவரும் நீண்ட காலமாக காதலித்து வந்ததாகவும், ஆனால் ஸ்வேதாவின் பெற்றோர் அந்த உறவை ஏற்காததால், வீட்டை விட்டு வெளியேறி திருமணம் செய்து கொண்டதாகவும் தெரிவித்துள்ளார். மேலும், தன்னிடம் இருந்த வழக்கு தொடர்பான காரணத்தைக் காட்டி தான் ஸ்வேதாவின் குடும்பம் தன்னை நிராகரித்ததாகவும் அவர் கூறியுள்ளார்.
அவரது கூற்றுப்படி, ஸ்வேதா தன்னிடம் கொண்டிருந்த காதலால் தான் திருமணம் நடைபெற்றதாகவும், இந்த திருமணம் குறித்து மிகவும் குறைந்த பேருக்கே தெரியும் என்றும் தெரிவித்துள்ளார். பொதுவாக இருவரும் வெளியில் சேர்ந்து வராததற்குக் காரணம், தனது காரணமாக ஸ்வேதாவின் நடிப்பு வாழ்க்கையில் எந்த தடையும் வரக்கூடாது என்பதற்காகவே தன்னைத் தானே விலக்கிக் கொண்டதாகவும் அவர் விளக்கமளித்தார். பெங்களூரில் இருந்த ஸ்வேதாவை சென்னைக்கு அழைத்து வந்து, இந்த தொடரில் நடிக்கவும் தானே ஊக்குவித்ததாகவும் கூறியுள்ளார்.
தலைவிரித்தாடும் போதைப் பழக்கம்.. பறிபோன சிறுமியின் உயிர்.. நயினார் கண்டனம்!
ஆனால், திடீரென ஸ்வேதா தன் அம்மா வீட்டிற்கு சென்று விட்டதுடன், தனது அழைப்புகளுக்கும் பதில் அளிக்காமல் இருப்பது குறித்து ஆதி கவலை தெரிவித்தார். “என்னை ஆழமாக காதலித்தவர் திடீரென என்னை வெறுக்க ஆரம்பித்துவிட்டாரா?” என்ற கேள்வியையும் அவர் எழுப்பியுள்ளார்.
இந்த பேட்டி வைரலானதைத் தொடர்ந்து, ஸ்வேதா தனது இன்ஸ்டாகிராம் பக்கத்தில் வீடியோ வெளியிட்டு அதற்கு மறுப்பு தெரிவித்துள்ளார். அதில், ஒருவர் முற்றிலும் பொய்யான கதையை உருவாக்கி தங்களை காதலித்து திருமணம் செய்துகொண்டதாக கூறி வருவதாகவும், ஒரு கட்டத்தில் அவரை நம்பியிருப்பது தான் தனது தவறு எனவும் தெரிவித்துள்ளார். மேலும், “யார் என்று கூட தெரியாத ஒருவர் எப்படி எனக்கு விவாகரத்து நோட்டீஸ் அனுப்ப முடியும்?” என்று கேள்வி எழுப்பியதுடன், சட்டரீதியான நடவடிக்கை எடுக்க இருப்பதாகவும் கூறியுள்ளார்.
இதற்கிடையில், அதே தொடரில் இருந்து விலகிய பிக் பாஸ் பிரபலம், Thamarai Selvi கூட புதிய குற்றச்சாட்டை முன்வைத்துள்ளார்.
ஸ்வேதாவின் கணவர் தன்னை நம்ப வைத்து ஏமாற்றியதாகவும், அவருக்காக மூன்று சவரன் நகையை அடகு வைத்து பணம் கொடுத்ததாகவும், பின்னர் அந்த நகையை அவர் விற்றுவிட்டதாகவும் தெரிவித்துள்ளார். இதுகுறித்து ஐயப்பன்தாங்கல் காவல் நிலையத்தில் புகார் அளித்துள்ளதாகவும் கூறியுள்ளார்.
பல தரப்பிலிருந்து வெளிவரும் இந்த முரண்பட்ட குற்றச்சாட்டுகள் காரணமாக, ‘சின்ன மருமகள்’ தொடர் நடிகையைச் சுற்றியுள்ள இந்த விவகாரம் தற்போது சமூக வலைதளங்களில் தீவிரமாக பேசப்படும் பரபரப்பான பிரச்சினையாக மாறியுள்ளது
