சிலிண்டர் தட்டப்பாட்டால் நாடு முழுவதும் பல ஹோட்டல்கள் மூடும் நிலை ஏற்பட்டிருக்கிறது. இன்னும் சில நாட்களில் வீட்டு உபயோக சிலிண்டர் கூட தட்டுப்பாடு ஏற்பட வாய்ப்புள்ளது. எனவே வீட்டில் சமைப்பதே பெறும் பிரச்சினையாக கூட மாறலாம்.
இந்த நிலையில், அடுப்பும், சிலிண்டரும் தேவைப்படாத சில உணவுப் பொருட்களை முயற்சித்து சிலிண்டர் பிரச்சினையை ஓரளவுக்கு குறைக்கலாம். சிலிண்டர் தட்டப்பாட்டு ஏற்பட்டால், இப்படியான சூழ்நிலையில் திடீரென்று வீட்டில் உள்ள சிலிண்டர் காலி ஆகிவிட்டால், கவலையை விடுங்க, அடுப்பில்லாமல் நிறைய ரெசிபிகளை செய்யலாம். அந்த வகையில், இன்று நம் தக்காளி, வெங்காய ஸ்பெஷல் பச்சடி செய்வது எப்படி என்று தெரிந்து கொள்வோம்.
தேவையான பொருட்கள்
- நான்கு பச்சை மிளகாய்
- ஒரு சிறிய துண்டு புளி
- ஒரு பெரிய வெங்காயம்
- நாலு பல் பூண்டு
- ஒரு தக்காளி
- சுவைக்கு ஏற்ப உப்பு
- கால் டீஸ்பூன் மிளகுத்தூள்
செய்முறை
STEP 1: முதலில் இடிகல்லில் பச்சை மிளகாயை நறுக்கி சேர்த்து நன்கு இடிக்கவும். நன்றாக இடித்ததும் எடுத்துக் கொள்ள வேண்டும்.
STEP 2: அதன் பின்னர், அதில் சிறிய துண்டு புளியை சேர்க்க வேண்டும். புளியை நன்றாக தட்டியவுடன் அதில், நறுக்கிய வெங்காயத்தை சேர்த்து நன்றாக இடிக்க வேண்டும்.
STEP 3: வெங்காயம் நன்றாக இடித்ததும், அதில் பூண்டு பற்களை சேர்த்து மென்மையாகும் வரை இடிக்க வேண்டும். அடுத்து அதில், நறுக்கிய தக்காளியை சேர்த்து நன்கு மென்மையாகும் வரை அரைக்க வேண்டும்.
STEP 4: இறுதியில் அதில் சுவை ஏற்ப உப்பு மற்றும் மிளகாய் தூள் சேர்த்து நன்கு அரைத்தால் சுவையான தக்காளி வெங்காய பச்சடி சாப்பிட தயார். இதனை சூடான சாதம் சப்பாத்தி இட்லி தோசை போன்றவற்றுடன் சாப்பிடலாம்.
