கடின உழைப்பால் தென்னிந்திய சினிமாவில் முன்னணி நடிகராக முன்னேறியவர் நடிகர் அர்ஜூன். கட்டுமஸ்தான உடம்பை வைத்து சிலிரிக்க வைக்கும் சண்டைக் காட்சிகளில் டூப் போடாமல் நடித்தவர்.
இவரது மகள் ஐஸ்வர்யா, நடிகர் விஷால் நடிப்பில் வெளியான பட்டத்து யானை படம் மூலம் தமிழ் சினிமாவில் அறிமுகமானார். பின்னர் நடிகர் தம்பி ராமையாவின் மகனும், நடிகருமான உமாபதியை காதல் திருமணம் செய்து கொண்டார்.
பெற்றோர் சம்மதத்துடன் பிரம்மாண்டமாக இந்த திருமணம் நடந்தது. இந்த நிலையில் திருமணத்திற்கு பிறகு தொடர்ந்து படத்தில் நடித்து வருகிறார் ஐஸ்வர்யா.
சமீபத்தில் அளித்த பேட்டி ஒன்றில், பிளாக்பஸ்டர் படமான கீதா கோவிந்தம் படத்தில் நடிக்க எனக்கு வாய்ப்பு வந்தும் நான் மறுத்துவிட்டேன், விஜய் கூட நடிக்காமல் போனது வருத்தம்தான். பல நடிகைகளிடம் அந்த கதை போனது, இப்படி பல படங்களை நான் மிஸ் செய்துள்ளேன், அது பிளாக்பஸ்டர் ஹிட் அடித்துள்ளது என வருத்தமாக தெரிவித்துள்ளார்.
