விஜய் தொலைக்காட்சியில் ஒளிபரப்பான நிகழ்ச்சிகளில் போட்டியாளராக கலந்து கொண்டு அதன் பின்னர் நடுவராக உயரும் அளவிற்கு தனது நகைச்சுவை திறமை மூலம் மக்கள் மத்தியில் பிரபலமானவர் ரோபோ சங்கர்.
இவர் தமிழ் திரையுலகம் அடையாளம் கண்டு அங்கீகரிப்பதற்கு முன்னரே சின்ன திரையில் சிகரம் தொட்டுவிட்டார் என்று சொல்ல வேண்டும். இவரது மனைவி பிரியங்கா சங்கரும், மகள் இந்திரஜா சங்கர் என இவர்களது மொத்த குடும்பமே ரசிகர்கள் மத்தியில் நல்ல அறிமுகம் பெற்றவர்கள்.
கடந்த ஆண்டு ரோபோ சங்கர் மறைந்தது பலருக்கும் அதிர்ச்சியை கொடுத்தது. இந்நிலையில், ரோபோ சங்கர் மறைவிற்குப் பின்னர் மெல்ல மெல்ல அதிலிருந்து மீண்டு வந்து கொண்டு இருக்கும் அவரது குடும்பத்தினர் கடந்த சில மாதங்களாக அதிகப்படியான பொது நிகழ்ச்சியில் கலந்து கொண்டு வருகிறார்கள்.
முன்னதாக, ரோபோ சங்கருக்கு தமிழ்நாடு மாநில விருது, நகைச்சுவை நடிகர் என்ற விருதுகள் வழங்கப்பட்ட போது தனது பேரன் நட்சத்திரனை தூக்கிக்கொண்டு சென்று பிரியங்கா இந்த விருதை வாங்கினார். மேலும், இந்த விழாவில் இந்திரஜா ஷங்கருக்கு சிறந்த நகைச்சுவை நடிகைக்கான விருதும் வழங்கப்பட்டது.
இந்நிலையில், ரோபோ சங்கர் மகள் இந்திரஜா தனது இன்ஸ்டாகிராம் பக்கத்தில் ஆயிரம் தாமரை மொட்டுக்களே, என்ற சினிமா பாடலுக்கு பரதநாட்டியம் ஆடி வீடியோவாக பதிவிட்டுள்ளார். அந்த வீடியோ, தற்போது ரசிகர்கள் மத்தியில் நல்ல வரவேற்பை பெற்று வருகிறது என்று பாராட்டுகளை தெரிவித்து வருகின்றனர்.
