பொதுவாக சுண்டைக்காயை குழம்பாக தான் செய்து சாப்பிட்டு இருப்போம். ஆனால், இந்த சுண்டைக்காயை கொண்டு சட்னி கூட செய்து சாப்பிடலாம். அப்படி சுண்டைக்காய் சட்னியை செய்தால் அதை இட்லி, தோசையுடன் மட்டுமின்றி, சப்பாத்தி, சாதத்துடன் சேர்ந்து சாப்பிடலாம்.
குறிப்பாக, இந்த பக்குவத்தில் சட்னி செய்யும்போது கசப்பு எதுவும் தெரியாது. சுண்டைக்காயை உணவில் அடிக்கடி சேர்த்து வருவது நல்லது. குறிப்பாக பெண்கள் இந்த சுண்டைக்காய் உட்கொண்டு வந்தால், ஒழுங்கற்ற மாதவிடாய் சீராகும். வயிற்றில் உள்ள புழுக்கள், புண்கள் இருந்தாலும் அது வெளியேற்றிவிடும்.
தேவையான பொருட்கள்
- ஒரு கைப்பிடி சுண்டைக்காய்
- ஒரு டேபிள் ஸ்பூன் கடலை எண்ணெய்
- ஒரு டேபிள் ஸ்பூன் உளுத்தம் பருப்பு
- ஐந்து பல் பூண்டு
- ஐந்து வரமிளகாய்
- சிறிய துண்டு புளி
- சிறிது தேங்காய்
- ஒரு கொத்து கருவேப்பிலை
- சிறிது கொத்துமல்லி
- 20 சின்ன வெங்காயம்
- சுவைக்கு ஏற்ப உப்பு
- அரை டீஸ்பூன் பெருங்காயத்தூள்
- தேவையான அளவு தண்ணீர்
தாளிப்பதற்கு
- இரண்டு டீஸ்பூன் எண்ணெய்
- அரை டீஸ்பூன் கடுகு
- ஒரு டீஸ்பூன் உளுத்தம்பருப்பு
- அரை டீஸ்பூன் சீரகம்
- ஒரு வரமிளகாய்
- ஒரு கொத்து கருவேப்பிலை
செய்முறை
Step 1:முதலில் சுண்டைக்காயை நன்கு இடித்து நீரில் போட்டுவிதைகளை நீக்கிக் கொள்ள வேண்டும்
Step 2:அதன் பிறகு ஒரு கிண்ணத்தில் விதைகள் நீக்கிய சுண்டைக்காயை எடுத்து தனியாக வைத்துக் கொள்ள வேண்டும்.
Step 3:பின்னர் ஒரு கடாயை அடுப்பில் வைத்து அதில், ஒரு டீஸ்பூன் எண்ணெய் ஊற்றி சூடானதும் தட்டி வைத்துள்ள சுண்டைக்காயை சேர்த்து நன்கு வதக்கி ஒரு தட்டில் எடுத்து வைத்துக் கொள்ள வேண்டும்.
Step 4:பின்னர் அதே எண்ணையில், பூண்டு, வர மிளகாய், புளி, தேங்காய், கருவேப்பிலையை சேர்த்து நன்கு வதக்க வேண்டும்.
Step 5:பின்னர் அதில், சிறிது கொத்தமல்லி மற்றும் சின்ன வெங்காயத்தை சேர்த்து நன்கு கண்ணாடி பக்குவம் வரும் வரை வதக்க வேண்டும்.
Step 6:அதன் பின்னர், மிக்சர் ஜாரில் அல்லது ஆட்டுக்கல்லில் வதக்கிய சுண்டைக்காய் மற்றும் வதக்கி வைத்துள்ள வெங்காய கலவையை சேர்த்து, சிறிது நீரை ஊற்றி சுவைக்கு ஏற்ப உப்பு, பெருங்காயத்தூள் சேர்த்து சிறிது நீரை ஊற்றி நன்கு அரைத்து ஒரு கிண்ணத்தில் எடுத்துக் கொள்ள வேண்டும்.
Step 7:இறுதியாக ஒரு கடாயை அடுப்பில் வைத்து அதில், கடலை எண்ணெய் ஊற்றி சூடானதும் கடுகு, உளுத்தம் பருப்பு, சீரகம், வரமிளகாய் மற்றும் கருவேப்பிலை சேர்த்து தாளித்து அரைத்து வைத்துள்ள சட்டையுடன் சேர்த்தால் சுண்டைக்காய் சட்னி தயார்.
