தி.மு.க. தொகுதி பங்கீட்டு குழுவினருடன் நடைபெற்ற ஆலோசனைக்குப் பிறகு வெளியே வந்த ம.தி.மு.க. அவைத் தலைவர் அர்ஜூனராஜ் நிருபர்களிடம் பேசியார்.
அவர் கூறுகையில், “இன்றைய பேச்சுவார்த்தை அமைதியான மற்றும் நல்ல சூழலில் நடைபெற்றது. எங்களது கோரிக்கைகளை தி.மு.க. பேச்சுவார்த்தை குழுவிடம் முன்வைத்துள்ளோம். இன்னும் ஓரிரு நாட்களில் மீண்டும் சந்தித்து கலந்தாலோசித்த பின் இறுதி முடிவுகள் குறித்து அறிவிப்போம்.
கூட்டணித் தொடர்பு தொடர்ச்சியான ஒன்று; அது இடைநிறுத்தமின்றி முன்னெடுக்கப்படும். மேல்சபை எம்.பி. பதவி ஒதுக்க வேண்டும் என்ற கோரிக்கையையும், கூடுதல் தொகுதிகளையும் கேட்டுள்ளோம். அவர்களிடமிருந்து பதில் கிடைத்தவுடன் அடுத்த கட்ட பேச்சுவார்த்தை நடைபெறும்.
இதுவரை தொகுதிகளின் பட்டியல் வழங்கப்படவில்லை. போட்டியிட்ட தொகுதிகளை குறைக்குமாறு எங்களிடம் யாரும் கூறவில்லை. வரவிருக்கும் தேர்தலில் ம.தி.மு.க. தனிச்சின்னத்தில் போட்டியிடும்,” என்றார்.
