நடிகர் விஜய் தனது வேலூர் பிரச்சாரத்தில் சொன்ன குட்டி ஸ்டோரியை மிகவும் காட்டமாக விமர்சித்து வீடியோ வெளியிட்டுள்ளார் பிக் பாஸ் ஜூலி. அதில், அண்ணா இப்போது தான் உங்களது வேலூர் பரப்புரையை பார்த்தேன் வழக்கம் போல அதில் எந்த விஷயமும் இல்லை.
ஜல்லிக்கட்டு காளை குறித்து ஒரு குட்டி கதையை நீங்க சொன்னீங்க அதற்கு பதில் அளிக்காமல் என்னால் இருக்கவே முடியல, நீங்க பாட்டுக்கு போற போக்குல ஜல்லிக்கட்டு காளை இருந்துச்சு அதுக்கு ஒரு குழந்தை புல்லுக்கட்டு கொடுத்துச்சுன்னு சொல்லிட்டு போயிருவீங்க, உங்க கட்சியில் இருப்பவர்கள் பல பேர் மைனர்.
அவங்களும் ஜல்லிக்கட்டு காளைக்கு புல்லுக்கட்டு காட்றேன் என்று சொல்லி ஒன்னு கிடக்க ஒண்ணு ஆகிவிடப் போகிறது. ஏனென்றால், 50 ஆகவே, 50 இருக்கட்டும் அண்ணா 500 ஆக்கிடாதீங்க எல்லாரும் கஷ்டப்பட்டு ஜல்லிக்கட்டு உரிமையை வாங்கி வைத்து, அது முறையாகவும் நடைபெற்று வருகிறது.
உங்களுடைய ரசிகர்கள் ஜல்லிக்கட்டு காளைக்கு புல்லுக்கட்டு காட்டுகிறேன் என்று கூறி ஏதாவது, ஆகி ஜல்லிக்கட்டுக்கு தடை விதித்து விட்டால் திரும்பவும் போராட்ட தெம்பு இல்லை அண்ணா.
கொஞ்சம் பார்த்து பக்குவமா அண்ணா உங்க இஷ்டத்துக்கு பேசிட்டு போயிடாதீங்க அண்ணா என்று தெரிவித்துள்ளார்.
அதேபோல், கேள்வி கேட்பதும் எதிர்ப்பு தெரிவிப்பதும் ஜனநாயக உரிமை பிரபலமாய் இருப்பது ஒரு விஷயம். வழி நடத்துவது வேறொரு பொறுப்பு என்று தனது வீடியோவுக்கு கேப்ஷன் போட்டு உள்ளார்.
ஜூலியின் இந்த வீடியோவை கண்ட ரசிகர்கள் மற்றும் விஜயின் தமிழக வெற்றிக்கழகத் தொண்டர்கள் என எல்லோரும் கடுமையாக விமர்சனங்களை வெளியிட்டு வருகின்றனர். மேலும், சிலர் மிகவும் மோசமாக விமர்சித்து வருகிறார்கள். இவர்களின் இந்த பதிவு பலரது கவனத்தை ஈர்த்துள்ளது குறிப்பிடத்தக்கது.
இதுகுறித்து ஜூலி பேசிய வீடியோ
