தனது சொந்த முயற்சியால் தனது திரை பயணத்தை தொடங்கி பின் பாடங்களில் இசையமைப்பாளராக களமிறங்கியவர் ஹிப் ஹாப் தமிழா ஆதி. அதன் பின் தனது முதல் படத்திலேயே ஹீரோவாக மாஸ் காட்டினார்.
அதனை தொடர்ந்து, மீசையை முறுக்கு, நட்பே துணை, அன்பறிவு, பிடி சார் போன்ற படங்களில் இவர் நடிப்பில் வெளிவந்து நல்ல வரவேற்பை பெற்றது. மீசையை முறுக்கு 2 படத்தில் இவர் நடித்து வருகிறார். நடிப்பை தாண்டி இவருடைய இசைக்கு தான் ரசிகர்கள் அதிகம்.
ஆம்பள, தனி ஒருவன், இன்று நேற்று நாளை, இமைக்கா நொடிகள், அரண்மனை என பல சூப்பர் ஹிட் படங்களுக்கு ஆல்பம் கொடுத்துள்ளார். அடுத்ததாக, மீண்டும் தனது சூப்பர் ஹிட் காம்போவான இயக்குனர் சுந்தர் சி மற்றும் விஷாலுடன் புருஷன் என்கிற படத்திற்காக ஆதி இணைந்துள்ளார்.
இப்படத்தின், பிரமோ வீடியோ சமீபத்தில் வெளிவந்து அமோக வரவேற்பை பெற்றது குறிப்பிடத்தக்கது. இந்நிலையில், இன்று பிறந்தநாள் கொண்டாடும் ஹிப் ஹாப் ஆதியின் 36 வது பிறந்தநாளுக்கு ரசிகர்கள் பலரும் வாழ்த்துக்களை தெரிவித்து வருகின்றனர்.
அதன்படி, இவருடைய சொத்து மதிப்பு 45 கோடி முதல் 50 கோடி வரை இருக்கும் என்கின்றனர். மேலும், இவர் ஒரு படத்திற்காக மூன்று கோடி முதல் ஏழு கோடி வரை சம்பளம் வாங்கி வருவது குறிப்பிடத்தக்கது.
