நடிகை ராஷ்மிகா – விஜய் தேவரகொண்டாவின் திருமணத்தை ஆவணப்படமாக வெளியிட Netflix ஒப்பந்தம் செய்ததாக தகவல் வெளியானது.
கீதா கோவிந்தம், டியர் காம்ரேட் படங்களில் ஒன்றாக இணைந்து நடித்த விஜய் தேவரகொண்டாவும், ராஷ்மிகா மந்தனாகவும், காதலிப்பதாக நீண்ட காலமாக செய்திகள் உலா வந்தது.
கடந்த ஆண்டு அக்டோபர் மாதம் இருவருக்கும் நிச்சயதார்த்தம் நடந்ததாக கூறப்பட்ட நிலையில், வரும் 26 ஆம் தேதி ராஜஸ்தான் மாநிலம் உதயப்பூர் அரண்மனையில் இருவருக்கும் பிரம்மாண்டமாக திருமணம் நடைபெற உள்ளதாகவும், திருமணத்தில் பாலிவுட் தொடங்கி கோலிவுட் வரை பல முக்கிய பிரபலங்கள் கலந்துகொள்ளவார்கள் என எதிர்பார்க்கப்படுகிறது.
இந்த திருமணத்தை ஆவணப்படமாக தயாரித்து வெளியிட Netflix ஓடிடி நிறுவனம் அதிக தொகைக்கு ஒப்பந்தம் செய்ததாகவும் தகவல்கள் வெளியானது. முன்னதாக ராஷ்மிகா விஜய் தேவரகொண்டாவின் திருமண வீடியோவின் உரிமையை 60 கோடி ரூபாய்க்கு வாங்க Netflix நிறுவனம் முன் வந்து இருக்கிறதாம்.
தற்போது கூற வரும் விஷயம் என்னவென்றால், அதை விற்பனை செய்ய விஜய் தேவரகொண்டா ஒப்புக்கொள்ளவில்லையாம். வாழ்க்கையின் முக்கிய தருணத்தை பிரைவேட் ஆக வைத்துக்கொள்ள விரும்புவதால் இந்த முடிவு எடுக்கப்பட்டதாக தகவல் வெளியாகி உள்ளது.
நடிகை நயன்தாரா திருமணத்திற்கு 25 கோடி ரூபாய் மட்டும் கொடுத்து Netflix வாங்கிய நிலையில் விஜய் தேவர் கொண்டாவுக்கு கோடி ரூபாய் கொட்டிக் கொடுத்தாலும் வேண்டாம் என்று மறுத்தது குறிப்பிடத்தக்கது.
