தலைவர் படம்னு சொன்னாலே தமிழ் சினிமாவை அதிரும். ரஜினிகாந்த் தற்போது ஜெயிலர் 2 படத்தில் நடித்து முடித்துள்ளார். இந்த திரைப்படத்தை தொடர்ந்து இயக்குனர் சிபி சக்ரவர்த்தி இயக்கத்தில் தனது 173-வது திரைப்படத்தில் நடிக்க உள்ளார்.
இப்படத்தின் படப்பிடிப்பு விரைவில் தொடங்க உள்ளதாக சமூக வலைதளங்களில் அவ்வப்போது செய்திகளும் வெளியாகி வருகிறது. ஆனால், அதற்கு முன்பே ரஜினியின் 174-வது படத்தின் பிரமோ படப்பிடிப்பு தொடங்கிவிட்டது.
இந்த படத்தில், நெல்சன் திலீப்குமார் இயக்கத்தில் கமலஹாசன் உடன் பல ஆண்டுகளுக்குப் பின் ரஜினிகாந்த் இணைந்து நடிக்க இருப்பதால் இந்த படத்தின் மீதான எதிர்பார்ப்பு ரசிகர்களிடையே அதிகரித்து வருகிறது.
சத்தமே இல்லாமல் இப்படத்தின் பிரமோ படப்பிடிப்பு சமீபத்தில் நடைபெற்ற முடிந்தது. இதில், 80s கெட்டப்பில் ரஜினி மற்றும் கமல் இருவரும் நடித்திருப்பதாகவும் கூறப்படுகிறது. தற்போது, ரஜினிக்கு பேசப்பட்ட சம்பளம் குறித்த தகவல் சமூக வலைதளங்களில் வெளியாகிய ரசிகர்களை வாய்ப்பிழக்க வைத்துள்ளது.
அதாவது, 174 படத்திற்காக ரஜினிக்கு ரூ. 225 கோடி சம்பளம் கொடுக்கப்பட்டதாக கோலிவுட் வட்டாரத்தில் கிசுகிசுக்கப்படுகிறது. இதுதான் தமிழ் சினிமாவில் நடிகர் வாங்கும் அதிகப்படியான சம்பளம் என்பது கூடுதல் தகவல். ரஜினி மற்றும் கமல் இணையும் தலைவர் 174 படத்தின் மொத்த பட்ஜெட் ரூ. 500 கோடிக்கும் அதிகமாக இருக்கும் என எதிர்பார்க்கப்படுகிறது.
