மீன் வறுவல் என்பது மொறுமொறுப்பான ஒரு சுவையான மற்றும் நாவில் நீர் ஊற வைக்கும் செய்முறையாகும். இந்த செய்முறையின் நறுமணம் உங்கள் பாக்கத்து வீட்டாரை ஈர்க்கும்.
மீன் உடலுக்கு மிகவும் ஏற்ற உணவாகும். அசைவ உணவுகளை விட கடல் மீன்களில் அதிகப்படியான சத்துக்கள் இருக்கிறது. மேலும், உடல் ஆரோக்கியத்திற்கு தேவையான ஃபேட்டி ஆசிட்களான ஒமேகா 3 இதில், அதிகப்படியாக உள்ளது. இதனால், உடலுக்கு நல்ல ஆற்றல் கிடைப்பதோடு மட்டுமல்லாமல் டயட்டில் இருப்பவருக்கு உகந்த ஒன்றாக மீன் விளங்குகிறது. சமீபத்தில், மேற்கொள்ளப்பட்ட ஆராய்ச்சியில் மீன் சாப்பிடுவதால் இதய நோய் குணமாகும் என தெரிய வந்துள்ளது குறிப்பிடத்தக்கது.
தென்னிந்திய மீன் வறுவல், மலபார் மீன் வறுவல் அல்லது கேரள மீன் வறுவல், கோவா மீன் வறுவல், செட்டிநாடு மீன் வறுவல், ஆந்திரா பாணி மீன் வறுவல் போன்ற நுட்பமான வேறுபாடுகளுடன் பல வகைகள் உள்ளன. பாம்ஃப்ரெட்/ வவ்வல் கடலில் உள்ள மிகவும் சுவையான மீன்களில் ஒன்றாகும், மேலும் மீனின் அமைப்பு செய்முறைக்கு ஒரு தனித்துவமான சுவையை சேர்க்கிறது.
தேவையான பொருட்கள்:
500 கிராம் பாம்ஃப்ரெட் மீன்
¼ தேக்கரண்டி மஞ்சள் தூள்
1 தேக்கரண்டி கொத்தமல்லி தூள்
2 தேக்கரண்டி மிளகாய் தூள்
2 தேக்கரண்டி இஞ்சி பூண்டு தூள்
சிறிது நறுக்கிய கறிவேப்பிலை
பாதி எலுமிச்சை சாறு
1 தேக்கரண்டி மிளகு தூள்
ருசிக்கேற்ப உப்பு
2 தேக்கரண்டி எண்ணெய்
செய்முறைகள்:
Step 1: ஒரு கிண்ணத்தில் மஞ்சள் தூள், கொத்தமல்லி தூள், மிளகாய் தூள், இஞ்சி பூண்டு விழுது, கறிவேப்பிலை, உப்பு, மிளகு தூள் மற்றும் எலுமிச்சை சாறு ஆகியவற்றை கலக்கவும்
Step 2: மீன் துண்டுகளில் மசாலாக்களை நன்றாக பூசவும்
Step 3: குறைந்தபட்சம் 20-30 நிமிடங்கள் ஊற வைக்கவும்
Step 4: சிறிது எண்ணெயை சூடாக்கவும் (மொறுமொறுப்பாக மாற டீப் ஃப்ரை ஆக வறுக்கவும்)
Step 5: மீன் துண்டுகளை வைத்து இருபுறமும் மொறுமொறுப்பாக வறுக்கவும்.
