கோயம்புத்தூர் மாவட்டத்தில் இந்தியத் தேர்தல் ஆணையத்தின் உத்தரவின்படி வாக்காளர் பட்டியல் சிறப்புத் தீவிரத் திருத்தம் 2026 தொடர்பான வரைவு வாக்காளர் பட்டியல் 19.12.2025 அன்று வெளியிடப்பட்டது வரைவு வாக்காளர் பட்டியலின்படி 25,74,608 பேர் வாக்காளர்களாக இடம்பெற்றுள்ளனர் இந்நிலையில் வாக்காளர் பட்டியலில் புதியதாக பெயர் சேர்த்தல் மற்றும் திருத்தம் உள்ளிட்ட நடவடிக்கைகள் மேற்கொள்ளுதல் தொடர்பாக 19.12.2025 முதல் 18.01.2026 வரையிலான ஒரு மாத காலத்திற்கு ஏற்புரைகள் மற்றும் மறுப்புரைகள் (Claims and Objectionar)பெறுவதற்கான காலமாக இந்திய தேர்தல் ஆணையத்தால் அறிவிக்கப்பட்டுள்ளது இக்கால கட்டத்தில் 01.01.2026 அன்று 18 வயதினை நிறைவு செய்யும் இளம் வாக்காளர்கள் வாக்காளர் பட்டியலில் பெயர் விடுபட்டவர்கள் மற்றும் வாக்காளர் பட்டியலில் புதியதாக பெயர் சேர்ப்பவர்கள் ஆகியோர் படிவம் 6-லும் வாக்காளர் பட்டியலில் ஏற்கெனவே உள்ள பதிவுகளில் திருத்தங்கள் செய்தல் முகவரி மாற்றம் செய்தல், மாற்றுத்திறனாளிகள் என குறியீடு செய்தல் மற்றும் அடையாள அட்டை தொலைந்திருப்பின் புதியதாக அடையாள அட்டை தேவைப்படுபவர்கள் ஆகியோர் படிவம்-8-லும் விண்ணப்பம் செய்யலாம்.
வாக்காளர்களின் வசதிக்காக இந்தியத் தேர்தல் ஆணையத்தால் எதிர்வரும் 27.12.2025(சனிக்கிழமை), 28.12.2025(ஞாயிற்றுக்கிழமை).03.01.2026(சனிக்கிழமை) மற்றும் 04.01.2026(ஞாயிற்றுக்கிழமை) ஆகிய நாட்களில் சிறப்பு முகாம்கள் நடத்திட உத்தரவிடப்பட்டுள்ளது. இதன்படி மேற்குறிப்பிட்ட நாட்களில், மாவட்டத்தில் சட்டமன்றத் தொகுதி வாரியாக கீழே குறிப்பிட்டவாறு அமைந்த 1062 வாக்குச்சாவடி மையங்களிலும் காலை 9.00 மணி முதல் மாலை 5.00 மணி வரை அனைத்து வாக்குச்சாவடி மையங்களிலும் சிறப்பு முகாம்கள் நடைபெற உள்ளன.மேலும், வாக்காளர் பட்டியல் தொடர்பான விரங்களை பொதுமக்கள் எளிதில் அறிந்து கொள்ள ஏதுவாக மேற்குறிப்பிட்ட அனைத்து வாக்குச்சாவடி மையங்களிலும் உதவி மையங்கள் (Help Desk) அமைக்கப்பட உள்ளன.
எனவே, பொதுமக்கள் அனைவரும் இந்த வாய்ப்பினை நன்கு பயன்படுத்தி, வாக்காளர் பட்டியலில் தங்களது பெயர் இடம் பெற்றுள்ள விவரங்களை அறிந்து கொள்ளவும், மேலும், வாக்காளர் பட்டியில் பெயர் சேர்த்தல் மற்றும் திருத்தம் உள்ளிட்ட பல்வகை நடவடிக்கைகளுக்கு பயன்படுத்திக் கொண்டு 17.02.2026 அன்று வெளிளடப்படவுள்ள வாக்காளர் பட்டியலில் தங்களது பெயர் இடம்பெறுவதை உறுதி செய்து கொள்ளுமாறும் கேட்டுக் கொள்ளப்படுகிறது. தொடர்ந்து, பொதுமக்கள் வாக்காளர் பட்டியல் குறித்த தங்களது சந்தேகங்களுக்கு மாவட்ட தேர்தல் அலுவலர் மற்றும் மாவட்ட ஆட்சியர் அலுவலகத்தில் செயல்பட்டு வரும் 1950 (0422) என்ற கட்டணமில்லா தொலைபேசியினை அலுவலக வேலை நாட்களில் தொடர்பு கொண்டு தெளிவு பெறலாம் என்ற விவரமும் தெரிவிக்கப்பட்டுள்ளது
